Lucas 11:39 - Manobo Western Bukidnon

³⁹ Ne migkag̵i si Jesus diyà te kandin te, “Sikiyu is menge Perisiyu, ebpurungan niw ebentayi is menge vetasan niw, iyan, diyà te isip niw wey g̵ehinawa niw ne zuen keheheramham wey kelelalung. Iring kew te vasu wey pinggan he nelumpiyuwan diyà te g̵awas, iyan, meremerik is diyà te seled.

Lucas 11:39 Cross References

Mateo 15:19

Su ziyà te g̵ehinawa te etew ebpuun is menge meezaat he isip he utew igkeepes te Megbevayà iring te kebunù, kedhilavet te kenè din esawa, meremerik he ulaula, kebpenakew, kedtarùtarù diyà te hukmanan, wey is kebpenudtul zin te tarù wey mezeeti is dengeg te sengeeetew.

Mateo 7:15

Likayi niw is menge ebpeneuven kun te Megbevayà he tarù is ibpenurù dan. Henduen be te hustu sikandan he tumutuu te Megbevayà, iyan, ebpekezezaat is ibpenurù dan.

Lucas 16:15

Ne zutun migkag̵i si Jesus diyà te kandan te, “Iyan kew sikan is henduen be te meupiya is ulaula ke ziyà te etuvangan te menge etew, iyan, wazà mekeeles te Megbevayà ke hengkey is diyà te isip niw. Is ed-isipen te etew he utew mahal, ne wazè din bali ziyà te Megbevayà.

Lucas 7:13

Ne is Nengazen he si Jesus, hein neehè din haazà is bahi he edsineg̵ew ne midtavang is gehinawa zin ne migkeg̵iyan din haazà is bahi te, “Ayà, kenè ka sineg̵ew.”

Lucas 7:19

Ne zutun midtawag ni Juan is dezuwa te menge sumusundan din ne midsug̵ù din diyà te ki Jesus. Iyan insug̵ua zin dutun su ibpeinsè din ke iyan en be iyan si Jesus sikan is netagnà dengan is kebpekeuma zin dini te kelibutan he impesavut ni Juan wey ke zuen pe be ebpeebuten he liyu ki Jesus.

Juan 12:6

Iyan ingkekeg̵iya zin dutun, kenà te hizu zin te menge egkengeayuayu, kekenà, tenged te tekawen sikandin. Iyan sikandin ibpetipig eni Jesus te selapì dan ne ebpenekawen din is duma zutun.

Juan 13:2

Si Jesus wey is menge sumusundan din, ne edlavung dan dutun. Ne si Hudas he tigKeriyuti he anak ni Simon, daan en he impeseled ni Setanas diyà te isip din is ked-ekali zin ki Jesus.

Nengeulaula 5:3

Ne migkeg̵iyan sikandin ni Pedro te, “Eneniyas, maan is ebpevayàbayè ka ki Setanas su edlimbungan niw is Wag̵as he Mulin-ulin su kenè niw id-amin is selapì.

Gelasya 1:14

Is menge zuma ku he menge Hudiyu he serenganè ku te penuig̵en, wazà nekerepeng kedì te kebenteyani ku te menge tuluuwen dey te menge Hudiyu. Ne wazà kandan kedì nekerepeng te kebenteyani te imbilinbilin he menge vetasan te g̵inepuan dey.

2 Timoteo 3:5

Uvag sikandan ed-azap te Megbevayà, iyan, kenè dan edtuu he zuen gehem din. Likayi nu is menge etew he iring dutun.

Tito 1:15

Ke zuen etew he nelumpiyuwan te Megbevayà, wazà minsan hengkey he ibmeremerik din. Iyan, ke zuen etew he wazà melumpiyuwi te Megbevayà, wazà minsan hengkey pa he paag̵i he igkelumpiyu kandin su kenè sikandin edtuu ne nelalung utew is isip din wey g̵ehinawa zin.

Santiago 4:8

Aput kew ziyà te Megbevayà ne ed-uvayan kew zin. Sikiyu is mekesesalà, engkezi niw is menge ulaula niw he mezaat. Sikiyu is uvag dà is kedtuu zan, pelumpiyuwi niw te Megbevayà is isip niw wey g̵ehinawa niw.