Lucas 11:36 - Manobo Western Bukidnon

³⁶ he ulaula zin, ne henduen be te utew merayag is egkeulaula zin iring te egketeyawan sikandin te sulù.”

Lucas 11:36 Cross References

Mateo 13:52

Ne mid-uman megkag̵i si Jesus te, “Ne tenged kayi,” ke sikandin, “ke zuen menunudlù te kesug̵uan he nekesundan te hadì tew he Megbevayà, ebpekeiring sikandin te etew he zekelà is ketig̵eyunan din diyà te valey zin. Su kenà iyan dà igkepenurù din is kinezaan, kekenà, igkepenurù din daan is beg̵u.”

Mateo 5:15

Ne wazà daan etew he edtemteman din is sulù ne ebpelengkevan din te vinevey, kekenà, idsavuk din diyà te sevukà wey meteyawi is tivuuk he seled te valey.

Lucas 11:35

Iring din ded daan is sulù te isip te etew, he ke và dà egkeg̵iya, is kedsevuta zin te hustu. Kinahanglan he kenà heini egkezaag te mezaat

Lucas 11:37

Ne hein nekeipus dutun si Jesus is ebpenurù ne zuen sevaha zutun he Perisiyu he mid-umbita kandin te kegkaan diyà te valey zin. Ne midhendiyà si Jesus ne migkaan.

2 Kurintu 4:6

Su zutun te kedlimbag̵a te Megbevayà te langun migkag̵i sikandin te, “Maawà is kerusireman ne mehimu is kerayag.” Ne iyan daan sikandin kes midtayew te isip dey su wey zey mesavut ke hengkey is gehem te Megbevayà he impezayag pinaag̵i ki Jesu Kristu.

Ipisu 4:14

Dutun ne egkehimu he kenè kiw en ebpekeiring te vatà su is etew he iring dutun ne egkehalinhalin is kedtuu zin su melemu ebpeketuu te minsan hengkey he tuluuwen he ibpenurù kandin te menge teruen he etew he metau he edlimbung.

Kulusas 3:16

Menge suled, layun niw zewata is impesavut ni Kristu. Pepempenuruey kew wey mebpesemsembag̵è kew sumalà is ketau te kada sevaha. Kanta kew te menge idalig te Megbevayà, wey menge Salmo, wey elin daan is menge kentahan he ibpinted keniyu te Wag̵as he Mulin-ulin. Kentahi niw is Megbevayà he utew zekelà is kebpeselemati niw kandin.

Hibriyuhanen 5:14

Ne emun meg̵urang ki en ne egkesepè te en is mehunit he egkeenen, he ke và dà egkeg̵iya, mezalem en is igkepenurù kenita ne metau ki en he ed-isip-isip, ne egketuusan te en ke hengkey is meupiya wey ke hengkey is mezaat he ibayà.

Santiago 1:25

Iyan, ke zuen etew he ebpurungan din ed-istudyuwi is kesug̵uan he wazè din kurang he iyan ebpekelibri kenitew, ne kenè din edlipatan, kekenà, edtumanen din, edtuvazan te Megbevayà is minsan hengkey he ed-ul-ulahan din.

2 Pedro 3:18

Kinahanglan he pinaag̵i te kegkeg̵eg̵awi keniyu te Nengazen tew wey Menluluwas tew he si Jesu Kristu, med-iseg is kedsevuta niw te ibpesavut din. Berakat he iyan sikandin edelig̵en guntaan wey te wazà pidtemanan.