Lucas 10:36 - Manobo Western Bukidnon

³⁶ Ne ke si Jesus diyà te menunudlù te, “Hentei zutun te tetelu he etew is nehimu he hustu he zuma zutun te midruug te menge tulisan?”

Lucas 10:36 Cross References

Mateo 17:25

Ne midtavak si Pedro te, “Uya, ebayad sikandin.” Ne hein mid-ulì dutun si Pedro ziyà te valey, iyan si Jesus mid-insà kandin te, “Simon, hengkey is ked-isipa nu kayi? Penenglitan, kayi te kelibutan hentei is ebayad te sidula ziyà te hadi? Iyan be is menge mesipeg din wey ke iyan be is kenè din kezuzumahi?” Ne ke si Pedro te, “Iyan is kenè din kezuzumahi.”

Mateo 22:42

“Hengkey is isip niw? Kes mibpilì te Megbevayà he ibpahadì, hentei ki kevuwazan sikandin?” Ne midtavak dan te, “Kevuwazan sikandin ni Hadì David.”

Lucas 10:35

Ne te nepawà dutun ne mibeg̵ey te selapì dutun te teg̵ig̵aked te valey ne migkag̵i te, ‘Elimahi nu kedì heini is midruug te tulisan ne emun duen selapì nu pa he egkeg̵astu nu kandin he liyu kayi te ibeg̵ey ku, ne zutun te kedlikù ku ne ed-ilisan ku ziyan te kenikew.’ ”

Lucas 10:37

Ne midtavak haazà is menunudlù te, “Iyan nehimu he hustu he zuma zutun te midruug te menge tulisan haazà is nehizu kandin he etew ne midtavang kandin.” Ne ke si Jesus te, “Iyan haazà ul-ulaha nu is iring dutun.”

Lucas 7:42

Ne hein kenà ebpekevayad haazà is dezuwa he utangan, ne migkag̵i haazà is neutangan dan he kenè dan en beyazi haazà is utang dan.” Ne mid-uman megkag̵i si Jesus te, “Hendei zapit dutun te zezuwa he etew he nekeutang is lavew he utew mahal diyà te g̵ehinawa zin haazà is neutangan dan?”