Lucas 10:16 - Manobo Western Bukidnon

¹⁶ Ne zutun migkeg̵iyan din haazà is menge sumusundan din te, “Is minsan hentei he etew he ebpemineg te ibpenurù niw, ne iring te iyan e zin nepemineg. Ne sikan is etew he kenè kew zin edseg̵ipaan, ne iring te iyan a wazè din seg̵ipaa. Ne sikan is etew he kenà edseg̵ipà kedì, ne iyan wazè din seg̵ipaa is Megbevayà he midsug̵ù kedì.”

Lucas 10:16 Cross References

Mateo 10:40

Is etew he edawat keniyu, edawat daan kediey; ne is edawat kediey, edawat daan te Megbevayà he midsugù kedì.

Mateo 18:5

Is etew he tenged te kedtuu zin kedì edewaten din ne ebpurungan din is minsan hentei he vatà he iring kayi, ne nezawat e zin en daan.

Marcos 9:37

Ne migkeg̵iyan din sikandan te, “Is etew he tenged te kedtuu zin kedì, edewaten din ne ebpurungan din is minsan hentei he vatà he iring kayi, ne nezawat e zin en daan. Ne is minsan hentei he edawat kediey, nezawat din en daan is Amey ku he Megbevayà he midsug̵ù kedi.”

Lucas 9:48

ne ke sikandin te, “Is etew he tenged te kedtuu zin kedì, edewaten din ne ebpurungan din heini is deisek he vatà, ne nezawat e zin en daan. Ne is minsan hentei he edawat kediey, nezawat din en daan is Amey ku he Megbevayà he midsug̵ù kedì. Su is minsan hentei keniyu he ebpevayàbayà te menge zuma zin, iyan sikandin tutuu he lavew keniyu.”

Juan 12:44

Ne zutun mibpekezag̵ing megkag̵i si Jesus te, “Is edtuu kedì, kenà iyan e zà egketuuwan din, kekenà, egketuuwan din daan is Megbevayà he midsugù kedì.

Juan 12:48

Is etew he kenà edawat kedì ne kenà edtuman te menge penurù ku, edhukuman sikandin te silut keuzemà dutun te ketepusan he andew, su iyan idsiluti kandin is menge penurù ku he wazè din dewata.

Juan 13:20

Utew venar is egkeg̵iyen ku keniyu he ke zuen etew he edewaten din is edsug̵uen ku, edewaten e zin daan, ne is edawat kediey, edewaten din daan is Amey ku he midsug̵ù kediey.”

Nengeulaula 5:4

Te wazè niw pa ivelegyà, kenè be keniyu he tanà? Ne minsan dutun te ingkevelegyè niw en, kenè be keniyu pa he vayàbayà is selapì? Ne maan is neisip niw heini is mezaat he ulaula? Kenà etew zà is edlimbungan niw, kekenà, iyan is Megbevayà.”

Gelasya 4:14

Ne minsan te zuen ku mezaat he zaru ne wazà a keniyu ikeremerik minsan ke heini is daru ku ne nekesamuk keniyu, iyan, midawat a keniyu iring te velinsug̵uen te Megbevayà he ebpuun te langit. Impeiring niw is kedewata niw kedì te kedewata niw ki Jesu Kristu.

1 Tiselunika 4:8

Emun ebpesegdanen niw heini is penurù ku keniyu, kenè niw iyan dà egkepesagdan is penurù te etew, kekenà, iyan niw egkepesagdan is penurù te Megbevayà. Iyan sikandin kes mibeg̵ey kenitew te Wag̵as he Mulin-ulin.