Lucas 10:15 - Manobo Western Bukidnon

¹⁵ Ne sikiyu zaan,” ke si Jesus, “is menge tigKepirnaum, iyan egkesuatan niw pezem is delig̵a kew te minsan hentei, iyan, igketimbag kew ziyà te Impirnu.”

Lucas 10:15 Cross References

Mateo 10:28

Kenè kew mahandek te menge etew zà duen su iyan dà egkepatey zan is lawa niw; ne kenè dan egkepatey is gimukud niw. Iyan ikehandek niw is Megbevayà su egkepatey zin is lawa wey minsan is gimukud niw pinaag̵i te Impirnu.

Mateo 11:23

Ne sikiyu zaan,” ke si Jesus, “is menge tigKepirnaum, iyan egkesuatan niw pezem is delig̵a kew te minsan hentei, iyan, igketimbag kew ziyà te Impirnu. Su is egkengein-inuwan he impeehè ku ziyan te inged niw, angin ke ingkepaahà dengan diyà te menge tigSuduma su kenà egkezezeetan te Megbevayà is inged dan, ne kemulu pa pezem guntaan.

Mateo 4:13

Nekeuma sikandin diyà te Neserit ne zutun diyà med-ulì te inged he Kepirnaum he ziyà te veyvey te ranew he Geliliya, he sakup te tanà he Sebulun wey Neptali.

Lucas 13:28

Ne zutun,” ke si Jesus, “utew zekelà he erang niw ne ebpemekengingitel kew tenged te utew ibmesakit pezem te g̵ehinawa niw su kenè kew ebpekeragkes dutun te edhedian te Megbevayà, ne ziyà te seled, ne egkeehè niw is menge kepuun niw zengan, ensi Abraham wey sikan is anak din he si Isaak wey sikan is apù din he si Hakub wey elin daan dutun is langun he ebpemeneuven te Megbevayà.

Lucas 16:23

Ne mid-uwit sikandin diyà te Iveyaan. Ne zutun ne utew sikandin nerasey ne hein nekelingahà, neehè din si Abraham, iyan, utew meziyù. Ne neehè din daan si Lazaro zutun te uvey ni Abraham.

2 Pedro 2:4

Su wazà pesegdana te Megbevayà minsan is menge velinsug̵uen din dengan he nekesalà, kekenà, intimbag din diyà te Iveyaan. Ne ziyè dan pa te utew merusirem he mibakus te kedina su idtag̵ad sikandan taman te andew te kedsilut.