Lucas 1:77 - Manobo Western Bukidnon

⁷⁷ Ibpesavut nu kandan he egkeveg̵ayan sikandan te untung he wazà pidtemanan emun ebuyù dan te pesaylu ziyà te Megbevayà.

Lucas 1:77 Cross References

Lucas 3:3

Si Juan, mibeyaan din is langun he menge inged dutun te uvey te wahig he Hurdan ne mibpenurù din is menge etew zutun. Ke sikandin te, “Iniyug̵i niw is memezaat he menge ulaula ne mebpebewtismu kew ne ebpeseyluwen te Megbevayà is menge salè niw.”

Lucas 3:6

Ne zutun ibpaahà te Megbevayà te tivuuk he menusiyà is edsug̵uen din he Menluluwas.’ ”

Juan 1:29

Hein mid-ilis he andew zutun, naahà ni Juan si Jesus he edhendiyà te kandin, ne ke si Juan diyà te menge etew, “Iyan heini sikan is etew he egngezanan te ibpemuhat he Nati he Kerehidu he ibeg̵ey te Megbevayà su pinaag̵i kandin egkeawà is menge memezaat he ulaula te menusiyà.

Juan 1:34

Neehè ku en,” ke si Juan, “ne egkeg̵iyen ku keniyu he iyan sikandin sikan is Anak te Megbevayà.”

Nengeulaula 10:43

Netagnà si Jesu Kristu te langun he ebpemeneuven dengan te Megbevayà ne migkag̵i zan he pinaag̵i te g̵ehem te ngazan din, is langun he edsarig kandin, ebpeseyluwen din sikandan te menge mezaat he ulaula zan.”

Nengeulaula 19:4

Ne ke si Pablo maan te, “Sikan is kebewtismu he impenurù ni Juan, ne tuus dà te ked-iniyug̵i te mezaat he ulaula, asal impenurù daan ni Juan te menge tig-Israyil he kinahanglan daan he medtuu zan te ed-ilis kandin he iyan si Jesus.”

Nengeulaula 2:38

Ne midtavak si Pedro te, “Kada sevaha keniyu, iniyug̵i zin is mezaat he ulaula zin ne mebpebewtismu wey metueni he ebpekidsevaha sikandin ki Jesu Kristu. Ne human egkepesaylu is menge salè din ne is Wag̵as he Mulin-ulin, ibeg̵ey kandin te Megbevayà.

Nengeulaula 3:19

Ne g̵untaan kinahanglan he ed-iniyug̵an tew en is memezaat he ulaula. Ed-empuan tew is Nengazen ne ebpeseyluwen kiw zin te menge salè tew. Ne zutun duen timpu he ebeg̵ayan is gehinawa tew te zesen he ziyà ebpuun te kandin.

Nengeulaula 5:31

Ne midtulus din en ne ziyè en sikandin te zapit te egkekewanan te Megbevayà. Sikitew is menge kevuwazan ni Israyil, egalen tew sikandin wey iyan kenitew edlibri te silut. Ne ebpeiniyug̵an din kenitew is mezaat he ulaula ne ebpeseyluwen kiw zin.

Ruma 3:25

Midsug̵ù sikandin te Megbevayà wey mehimu sikandin he pemuhat he elili kenitew, ne tenged te kegkepelisi kenitew te lengesa zin ebpeseyluwen te Megbevayà is menge salè tew emun edtuuwan tew sikandin. Midhimu heini te Megbevayà su wey tew mesavut he metazeng is hukum din, minsan pa zengan tenged te meinentusen sikandin, wazè din dè pa siluti is menge etew tenged te menge salè dan.

Ipisu 1:7

Su tenged te utew zekelà is gag̵ew zin kenitew, midlibri kiw zin te silut pinaag̵i te kedtig̵is te lengesa zutun te kebpehimatey ni Kristu, ne mibpesaylu zin is menge salè tew.