Lucas 1:5 - Manobo Western Bukidnon

⁵ Ne heini is egug̵uzen ku kenikew, ebpuun pa zutun te timpu zengan hein iyan pa hadì si Hirudis diyà te prubinsya he Hudiya. Ne zuen dutun maama he egngezanan ki Zacarias. Ne heini si Zacarias, sevaha sikandin he memumuhat he kevuwazan te etew zengan he si Abyas. Ne is menge kevuwazan ni Abyas, menge memumuhat sikandan te Megbevayà. Ne si Zacarias, esawa zin is bahi he egngezanan ki Elisabet he kevuwazan te memumuhat dengan he si Arun.

Lucas 1:5 Cross References

Mateo 2:1

Diyà si Jesus ianak te inged he Bitlihim, te prubinsya he Hudiya zutun te timpu te kedhadì te aney en he hadì he egngezanan ki Hirudis. Ne zutun te vatè pa utew si Jesus, nekeuma ziyà te Hiruselim is menge memimituen. Diyà sikandan ebpuun te meziyù he inged diyà te edsilaan.

Lucas 1:13

Ne zutun migkag̵i kandin haazà is belinsug̵uen te, “Kenè ka mahandek, Zacarias, su nezineg te Megbevayà is ked-ampù nu ne edhimuwen din he meg̵ingey nu is esawa nu he si Elisabet ne ed-anak si Elisabet te maama ne iyan nu ingazan kandin si Juan.

Lucas 1:24

Ne wazà utew meug̵et dutun ne mibmeg̵ingey is esawa zin he si Elisabet. Ne taman te menge lelima he vulan dutun wazà si Elisabet megawasgawas diyà te valey.