Lucas 1:42 - Manobo Western Bukidnon

⁴² Ne si Elisabet, tenged te utew nelipey, mibpekezag̵ing is egkag̵i te, “Wazà ebpekerepeng kenikew he vahi su utew ka mahal ziyà te g̵ehinawa te Megbevayà. Ne mahal zaan diyà te g̵ehinawa zin heeyan is id-anak nu.

Lucas 1:42 Cross References

Lucas 1:28

Ne nekeuma is belinsug̵uen diyà te ki Maria ne ke sikandin te, “He Bayi, ingkehizu ka te Megbevayà ne ed-ipaten ke zin!”

Lucas 1:41

Ne hein nezineg ni Elisabet haazà is kebpenelehuzan ni Maria ne midredsà medleg̵uwat haazà is batà diyà te g̵etek ni Elisabet. Ne zutun nepurung si Elisabet meulini te Wag̵as he Mulin-ulin.

Lucas 1:43

Maan buwa is utew a ingkeg̵ag̵ew te Megbevayà su maan is ebpenumbelayan a kenikew te iney te mibpilì he hadì?

Lucas 1:48

Su siak is sulug̵uen din he utew minus is pid-etawan, wazè e zin ded melipati. Ne puun guntaan egkag̵i is tivuuk he menusiyà he iyan a vahi he utew lavew is tuvad kandin te Megbevayà.

Lucas 19:38

Ke sikandan is edalig te, “Delig̵a is hadì he ebpekeuma he midsug̵ù te Nengazen! Melinew en is kedepitè tew te Megbevayà! Delig̵a is Megbevayà diyà te langit!”

Ruma 9:5

Mibpilì din dengan is menge kepuun dan. Ne hein mibpeetew si Kristu he iyan Megbevayà he ebayàbayà te langun, in-anak sikandin he zuma zan he Hudiyu. Berakat he zelig̵a sikandin te wazè din pidtemanan.

Hibriyuhanen 12:2

Edhemenan ta is kedsarig ta ki Jesus su iyan sikandin puunà te kedtuu ta ne pinaag̵i zaan kandin egkeheg̵et is kedtuu ta. Mid-antus din is kedrensanga kandin dutun te krus. Ne wazè din ikeeled haazà is kedhimetayi kandin, kekenà, mid-isip din he utew zin igkelipey is egkeulaula zin emun egkeipus haazà is ked-antus din. Ne g̵untaan mibpinuu en sikandin dutun te utew lavew he pinuuwà su ziyà te zapit te egkekewanan te Megbevayà.