Lucas 1:36 - Manobo Western Bukidnon

³⁶ Ne kenà iyan dà heini tudtul ku kenikew su is ayè nu he si Elisabet, minsan te utew en sikandin meg̵urang ne mibmeg̵ingey en sikandin. Menge heenem en he vulan guntaan is keg̵ingayan din he zengan, iyan isip te menge etew he kenà sikandin ed-anak.

Lucas 1:36 Cross References

Lucas 1:35

Ne midtavak haazà is belinsug̵uen te, “Is Wag̵as he Mulin-ulin, iyan ebpengelintau kayi ziyan te kenikew ne edlig-enan ka te g̵ehem te Megbevayà. Ne tenged kayi, heini is id-anak nu, pudu metazeng is menge ulaula zin ne egkengezanan sikandin he Anak te Megbevayà.

Lucas 1:37

Umba egkeulaula heini su egkehimu te Megbevayà is minsan hengkey.”

Lucas 1:5

Ne heini is egug̵uzen ku kenikew, ebpuun pa zutun te timpu zengan hein iyan pa hadì si Hirudis diyà te prubinsya he Hudiya. Ne zuen dutun maama he egngezanan ki Zacarias. Ne heini si Zacarias, sevaha sikandin he memumuhat he kevuwazan te etew zengan he si Abyas. Ne is menge kevuwazan ni Abyas, menge memumuhat sikandan te Megbevayà. Ne si Zacarias, esawa zin is bahi he egngezanan ki Elisabet he kevuwazan te memumuhat dengan he si Arun.

Hibriyuhanen 11:11

Ne si Sara zaan is esawa ni Abraham, duen kandin he kedtuu su minsan te wazà sikandin mekeanak wey utew en sikandin meg̵urang, mibmeg̵ingey g̵ihapun tenged te kedtuu zin te Megbevayà. Umba mibmeg̵ingey sikandin su midtuuwan din is penaad kandin te Megbevayà he egkeuma is timpu he ed-anak sikandin.