Kulusas 4:10 - Manobo Western Bukidnon

¹⁰ Ebpengemusta keniyu si Eristarku he zuma ku he pirisu. Si Marcos, is id-ag̵ew ni Bernabe, ne ebpengemusta zaan keniyu. Gelg̵elawa niw sikandin emun ebpekeuma ziyan. Netuenan niw en is intelaan ku keniyu mehitenged kandin.

Kulusas 4:10 Cross References

Nengeulaula 12:12

Ne zutun te kegkesevuta zin kayi te langun, midlaus diyà te valey ni Maria, sikan is iney ni Juan he iyan kes Juan he ed-umawen daan ki Marcos. Ne zutun te valey mezakel is nengetig̵um he menge tumutuu su ed-ampù dan diyà te Megbevayà.

Nengeulaula 12:25

Ne mid-ulì si Bernabe wey si Seulu is ebpuun diyà te inged he Hiruselim hein neipus dan is mibpeveelan kandan, ne miduma zan daan si Juan, sikan is ed-umawen ki Marcos.

Nengeulaula 13:13

Ne si Pablo wey is menge zuma zin, mid-awè dan dutun te inged he Pepus ne mid-untud dan te barku. Ne midhendiyè dan te prubinsya he Pempilya, diyà te inged he Pirga. Ne si Juan mulà, mid-ewaan din sikandan ne mid-ulì diyà te Hiruselim.

Nengeulaula 13:5

Ne hein nekezunggù dan diyà te inged he Selemina, impesavut dan dutun is Lalag te Megbevayà diyà te menge simbahan te menge Hudiyu. Iyan duma zan he edtavang kandan si Juan, kes ed-umawen ki Marcos.

Nengeulaula 19:29

Ne zutun nekeeneb is samuk te tivuuk he inged. Ne haazà is dezuwa he zuma ni Pablo, si Gayu wey si Eristarku he menge tigMesidunya, midakep sikandan te menge etew ne migègaanan dan uwita ziyà te tig̵umanan te menge etew.

Nengeulaula 20:4

Ne zuen tigBiriya, si Supatir he anak ni Piru he nekezuma kandin. Elin daan miduma si Eristarku wey si Sigundu he menge tigTiselunika, si Gayu he tigDirbi, wey si Timoteo, si Tikiku wey si Trupimu he menge tig-Asya.

Nengeulaula 27:2

Ne ziyà te Sisarya zuen barku he tig-Edremityu he edhendiyà te menge inged diyà te prubinsya he Asya. Ne mid-untud key ne migenat key. Is duma zey, ne iyan si Eristarku he tigTiselunika ziyà te prubinsya he Mesidunya.

Nengeulaula 4:36

Ne zuen duma zan he tigSipru he Hudiyu zaan he kevuwazan duen te tipehuna he si Levi. Iyan ngazan din si Jose ne migeraran te menge epustul ki Bernabe he ke và dà egkeg̵iya, ebpekeveg̵ey te kezesen te kedtuu.

Ruma 16:2

Gelg̵elawa niw sikandin tenged te kedtuu zin te Nengazen tew su iyan heini ulaula he zait te menge tumutuu. Ne ke zuen menge keel-elangan din, ne tevangi niw sikandin su utew mezakel is midtevangan din daan he menge tumutuu ne midtevangan e zin daan.

Ruma 16:7

Ipengemusta a zaan ki Andruniku wey si Hunias. Menge zuma ku sikandan he Hudiyu he mibpirisu zuma kedì. Telehuzen sikandan te menge epustul, ne nehuna sikandan neketuu ki Kristu, ne human a.

2 Timoteo 4:11

Iyan dà duma ku kayi, si Lucas. Tuluya nu si Marcos ne zumaha nu zini su zekelà is tavang din kedì te langun he ed-ul-ulahan ku kayi.

Pilimun 1:23

Si Ipapras, is duma ku he pinirisu tenged te kedtuu ki Jesu Kristu, ebpengemusta keniyu.

Pilimun 1:24

Ebpengemusta zaan keniyu ensi Marcos, si Eristarku, si Dimas, wey si Lucas. Menge timbang ku sikandan kayi te ebpeveelan te Megbevayà.

1 Pedro 5:13

Ebpengemusta keniyu is menge tumutuu zini te inged he Bebilunya. Pinilì sikandan te Megbevayà iring te pinilì kew zin daan. Ebpengemusta zaan keniyu si Marcos he iyan iring te tutuu he anak ku.