Kulusas 3:19 - Manobo Western Bukidnon

¹⁹ Ne sikiyu zaan is menge maama, mahala niw is esawa niw; kenè niw sikandan henghenggeri.

Kulusas 3:19 Cross References

Lucas 14:26

“Sikan is etew he egkesuat he edsundan kediey, iyan, iyan dekelà diyà te g̵ehinawa zin is ginikanan din, esawa zin, menge anak din, menge suled din, ne emun kenà, ne iyan dekelà diyà te g̵ehinawa zin is keugelingen din he lawa, ne kenà egkehimu he tutuu sikandin he sumusundan ku.

Ruma 3:14

Utew mesakit is kebpenrawak dan.

Ipisu 4:31

Engkezi niw is kebpekunkuntedehè niw. Kenè kew meepes wey mepauk te zuma niw. Kenè kew pekid-eg̵et; kenè kew ituk; kenè niw itug̵ut he ibmezaat te g̵ehinawa niw is minsan hengkey he ulaula te zuma niw,

Ipisu 5:25

Sikiyu is menge maama, kinahanglan he mahala niw ziyà te g̵ehinawa niw is esawa niw iring te mahal kiw is menge tumutuu ziyà te g̵ehinawa ni Kristu. Egketuenan tew heini su mibpehimatey sikandin he elili kenitew wey kiw zin melibri te silut,

Ipisu 5:33

Iyan, kenà duen dà taman su egkehimu zaan he elin egkeg̵iyen din is teleesawa. Kinahanglan he mahala te maama is esawa zin ne kinahanglan daan he tehuza te vahi is kandin he esawa.

Kulusas 3:21

Ne sikiyu zaan is menge g̵inikanan, kinahanglan he kenà utew subra is kedsewaya niw te menge anak niw su kela ke maawà diyà te kandan is gustu zan te ked-ulaula te hustu.

Santiago 3:14

Iyan, emun egkesina sikandin wey mepelevawen, kinahanglan he kenè din izantal is ketau zin wey is meupiya he ulaula zin su tarù is ketau he iring dutun ne ebpekesupak te tutuu he tuluuwen.

1 Pedro 3:7

Sikita zaan is maama, kinahanglan he ebpurungan ta wey edtehuzen ta is esawa ta. Su minsan pa te meluya is lawa zan kenà is kenita, iring sikandan kenita su imbeg̵ey zaan kandan te Megbevayà is untung he wazà pidtemanan. Ne tenged kayi kinahanglan he edtehuzen ta sikandan su wey pemineg̵a te Megbevayà is kebpengampù ta.