Kulusas 3:13 - Manobo Western Bukidnon

¹³ Ed-entusen ta, ne ebpeseyluwen ta is menge zuma ta he ebpekesupak kenita. Kinahanglan he iring te mibpesaylu kiw te Nengazen tew ebpepespeseyluwè kiw zaan.

Kulusas 3:13 Cross References

Mateo 5:44

Ne iyan mulà kediey he penurù is: ebpurungan ta is menge kuntada ta wey ebpenubtuvazan ta te meupiya is ebpesipala kenita.

Mateo 6:12

peseyluwa key te menge salè dey iring te nekepesaylu key te nekesalà kenami.

Marcos 11:25

Ne emun ed-ampù kew ziyà te Megbevayà, ke zuen egkepeukan niw he minsan hentei, peseyluwa niw, ne is Amey niw he Megbevayà he ziyà te langit, ebpeseyluwen kew zin daan te menge kebpekesupak niw kandin.

Lucas 11:4

Peseyluwa key te menge salè dey su sikami, ebpeseyluwen dey is langun he nekesalà diyà te kenami. Ne ipekeziyù key kenikew te mezesen he penuley.’ ”

Lucas 23:34

Ne zutun te kemulu zan pa idransang si Jesus, ne mid-ampù sikandin diyà te Megbevayà, ke sikandin te, “Amey ku, peseyluwa nu sikandan su wazè dan metueni ke hengkey heini is ed-ul-ulahan dan.” Ne zutun, haazà is midransang kandin, midripa zan ke hentei is ebpekeangken te menge ugelingen ni Jesus.

Ruma 15:7

Is menge zuma niw he tumutuu, ne zewata niw he iring te menge tempezè niw en te pused niw su midawat kew zaan ni Kristu he iring te tempezè din en te pused. Ne emun ed-ul-ulahan niw heini egkezalig is Megbevayà.

2 Kurintu 2:10

Ne ke zuen etew he ebpeseyluwen niw, ebpeseyluwen ku zaan. Su penenglitan ke zuen nekesalà diyan wey ebpeseyluwen ku, netuenan ni Kristu he iyan ketezengan ke maan is ebpeseyluwen ku su wey mebmelinew is kedezepitè niw.

2 Kurintu 6:6

Ne midlikayan dey is meremerik he ulaula. Hustu is kedsevuta zey te Lalag te Megbevayà; mepeseyluwen key ne metinevangen key te minsan hentei. Ed-ulinan key te Wag̵as he Mulin-ulin; ibpeehè dey is gag̵ew zey ziyà te langun;

Gelasya 6:2

Layun kew mebpetebtevangà te uman sevaha keniyu su emun ed-ul-ulahan niw heini egketuman niw is insug̵ù kenitew ni Kristu.

Ipisu 4:2

Kinahanglan he kenè kew pegalbu, kekenà, peketulanged kew wey mebmeinentusen kew. Ipeehè niw is gag̵ew niw ziyà te kada sevaha keniyu pinaag̵i te kebmepelevayen niw.

Ipisu 4:32

kekenà, mebpepurpurungè kew te kada sevaha keniyu. Mebpehidhizuwè kew, mebpepespeseyluwè kew iring te mibpesaylu kew te Megbevayà tenged te kebpekidsevaha niw ki Kristu.

Ipisu 5:2

Kinahanglan he ipeehè niw layun he mahal ziyà te g̵ehinawa niw is menge zuma niw iring te mahal kiw ziyà te g̵ehinawa ni Kristu. Mibpehimatey sikandin he elili kenitew wey kiw zin melibri. Nehimu heini he pemuhat he utew mehemut, he ke và dà egkeg̵iya, utew egkesuati te Megbevayà.

Kulusas 3:12

Ne, menge suled, geina te mibpilì kiw te Megbevayà, ne midhimu kiw zin he menge g̵aked din, wey g̵eina te mahal kiw ziyà te g̵ehinawa zin, kinahanglan he zekelà is hizu ta wey g̵ag̵ew ta ziyà te minsan hentei. Ebpurungan ta is menge zuma ta ne kenè ki ebpelavew. Kinahanglan he mepelevayen ki layun.

Santiago 2:13

Su is Megbevayà, kenè din keuzemà egkehizuwan is etew he wazè din hizu te zuma zin. Iyan, is etew mulà he hihizuwen, wazà kinahanglan he egkehandek sikandin su kenà sikandin edsilutan te Megbevayà.

1 Pedro 2:21

Nekeantus si Kristu te merasey wey ki melibri te silut. Ne nehimu sikandin he petug-iringan he kinahanglan he edsunuzen ta. Umba mibpetuu kenitew is Megbevayà su wey tew si Kristu meiringi.