Juan 9:6 - Manobo Western Bukidnon

⁶ Ne te nekag̵i ni Jesus haazà, mid-ilevan din is tanà ne migkuwa zin sikan is basak he neveelan dutun te ileb din ne indazas din diyà te mata zutun te lakap.

Juan 9:6 Cross References

Marcos 7:33

Ne zutun mid-ag̵ak ni Jesus haazà is bengel he ngulit su idsivey zin dutun te menge etew ne intiyuk din is tezù din dutun te telinga te vengel ne midhames din te ileb din is tezù din ne indazas din dutun te zilà te etew.

Marcos 8:23

Ne mid-ag̵ak ni Jesus haazà is lakap pehendiyà te g̵awas dutun te inged. Ne mid-ilevan ni Jesus is menge mata zutun te lakap ne midampè din, ne mid-insaan din ke zuen be egkeehè din.

Juan 9:11

Ne midtavak haazà is neulian te, “Sikan is etew he egngezanan ki Jesus, mid-ilevan din is tanà ne indazas din is neveelan he vasak dini te mata ku, ne migkeg̵iyan e zin he medhendiyà a te linew he Siluwi ne mebpendapug a. Ne midhendiyà a te egkeg̵iyen din he linew ne mibpendapug a, ne puun dà dutun ebpekeahà ad.”

Impezayag 3:18

Umba, edsembag̵an ku sikiyu he pemesaha niw zini te kediey is wag̵as he vulawan he migezaman diyà te hapuy, he ke và dà egkeg̵iya, hustu he kedtuu, ne tutuu en human he sepian kew. Ne pemasa kew zaan diyà te kediey te meputì he bisti wey maawà is kegkeeled niw tenged te kegkelevasi keniyu. Ne pemasa kew zaan te ibawì te kegkelakap niw su wey mehustu is ked-ehè niw.