Juan 9:5 - Manobo Western Bukidnon

⁵ Kayi te zini e pa te kelibutan, iyan a kerayag he ebpeketayew te tivuuk he menusiyà.”

Juan 9:5 Cross References

Mateo 4:16

Is langun kayi he menge etew, henduen be te ziyà mekeubpà te merusirem wey henduen be te ziyè dan en te Iveyaan su g̵eine te nekesuwey zan te Megbevayà. Iyan, diyà te huziyan he timpu egketeyawan en sikandan su ebpekeuma ziyà te kandan is ebpeketayew te isip dan.”

Mateo 5:14

Iring kew te sulù he ebpeketayew te tivuuk he menusiyà. Is inged he ziyà benguna te puntur te vuvungan, kenà ebpekeeles.

Lucas 2:32

Iyan sikandin idtayew te isip te menge etew he kenà menge Hudiyu he wazà mesayud ke hentei ka is tutuu he Megbevayà. Pinaag̵i kandin edelig̵en key is nengepilì nu he etew he menge kevuwazan ni Israyil.” Iyan heini migkag̵i ni Simeon.

Juan 12:46

Umba midhendini a is kerayag te kelibutan su wey ku meteyawi is isip te menge etew. Ne ke zuen edtuu kedì, kenè en egkerusireman is isip din.

Juan 8:12

Ne mid-uman megkag̵i si Jesus diyà te menge etew, ke sikandin te, “Iyan a sikan is kerayag he ebpeketayew te isip te tivuuk he menusiyà. Ne is etew he edsundan kediey, kenà en sikandin egkesakup te g̵ehem te kerusireman, kekenà, egketeyawan is kedsavut din te kerayag he ebpekeveg̵ay te untung he wazà pidtemanan.”

Nengeulaula 13:47

Iyan heini ebpeveelan kenami te Nengazen su zuen insurat he lalag din he edhenduen te, ‘Midhimu ku sikew he sulù he ebpeketayew te menge etew he kenà menge Hudiyu wey mesangyew ziyà te egketemanan te kelibutan is kedlibriya ku te menge etew wey zan kenà mesiluti.’ ”

Nengeulaula 26:18

Ne is ibpesavut nu kandan, egkehimu he iyan igkeawà te kegkelakap dan te kedtuu wey zan daan meewai is merusirem ne medhalin dan diyà te merayag. Ne pinaag̵i kayi egkepeleg̵uyan dan is kebeyveyai kandan ni Setanas ne ebpekepesakup dan te Megbevayà. Ne egkepesaylu is menge salè dan tenged te kedtuu zan kedì ne egkehimu zan daan he menge tumutuu he pinilì te Megbevayà.’

Nengeulaula 26:23

su netuman en is netagnè dan he is mibpilì te Megbevayà he ibpahadì, kinahanglan he edresayen wey edhimetayan. Ne netagnè dan daan he iyan sikandin egkehuna he egkevanhew ne edtudtulan din is menge Hudiyu wey is kenà menge Hudiyu he egketeyawan is isip dan te tutuu he tuluuwen.”

Ipisu 5:14

Ne mehitenged kayi zuen erubasa he edhenduen te, “Sikew is edlipezeng, gimerat kad; sikew is minatey, ne mevanhew kad ne egketeyawan ka ni Jesu Kristu.”

Impezayag 21:23

Ne kenè en daan kinahanglan is anlag te andew wey vulan he idtayew zutun su haazà is inged, ed-enlag̵an en te mekeg̵eg̵ehem he anlag te Megbevayà; sikan is nati he kerehidu ne iyan sulù dutun.