Juan 9:35 - Manobo Western Bukidnon

³⁵ Ne nezineg ni Jesus haazà is mid-ulaula te menge punuan he menge Hudiyu zutun te neulian he lakap, ne mibpen-ehè din, ne hein neehè din mid-insaan din te, “Edtuu ke ve te Kakey te Menusiyà?”

Juan 9:35 Cross References

Mateo 14:33

Ne is menge zuma he menge sumusundan din dutun te avang, mid-azap dan ki Jesus he ke sikandan te, “Benar iyan he Anak ka te Megbevayà!”

Mateo 16:16

Ne zutun midtavak si Simon Pedro te, “Iyan ka sikan is mibpilì te Megbevayà he ibpahadì din te menusiyà; iyan ka sikan is Anak te wazè din kemetayen he Megbevayà.”

Mateo 4:3

Ne zutun mid-uvayan ni Setanas si Jesus ne mibpenuley zin he egkag̵i te, “Emun tutuu iyan he Anak ka te Megbevayà pengelinteuwi nu he mevaluy he egkeenen heini is menge vatu.”

Marcos 1:1

Si Esaias, is tipehuna he ebpeneuven dengan te Megbevayà, insurat din is Lalag te Megbevayà duen te Anak din, ne iyan haazà puunà te Meupiya he Tudtulanen te keag̵i ni Jesu Kristu he Anak te Megbevayà. Migkag̵i is Megbevayà te, “Duen keuzemà ibpehuna ku kenikew he etew he ibpepenudtul ku he meg̵aan ka ebpekeuma.

Juan 1:18

Wazè pa menusiyà he nekeahà te Megbevayà, iyan, sikan is Anak din he vudtung, impetuenan din kenitew is Amey zin he Megbevayà su iyan dan layun telezuma.

Juan 1:34

Neehè ku en,” ke si Juan, “ne egkeg̵iyen ku keniyu he iyan sikandin sikan is Anak te Megbevayà.”

Juan 10:36

maan is egkag̵i kew he edsupaken ku is Megbevayà emun egkag̵i a he Anak a te Megbevayà? Iyan a sikan is mibpilì te Megbevayà wey a mekehendini te kelibutan.

Juan 11:27

Ne midtavak si Marta te, “Uya, edtuu a he iyan ka sikan is Anak te Megbevayà; iyan ka kes netagnà he hadì he ebperetengen dey he edhendini te kelibutan.”

Juan 20:28

Ne zutun midtavak si Tomas te, “Iyan ka Nengazen ku, iyan ka Megbevayè ku!”

Juan 20:31

Ne iyan insurata ku kayi te menge egkein-inuwan su wey kew meketuu he iyan si Jesus Anak te Megbevayà wey sikan is mibpilì te Megbevayà he ibpahadì, ne emun edtuu kew kandin ebeg̵ayan kew te untung he wazà pidtemanan.)

Juan 3:36

Is minsan hentei he edtuu te Anak te Megbevayà, ebeg̵ayan sikandin te untung he wazà pidtemanan; is minsan hentei he kenà ebpemineg te menge sug̵ù te Anak te Megbevayà, kenà egkeveg̵ayan te untung he wazà pidtemanan, kekenà, wazà pidtemanan te kegkepeuki kandin te Megbevayà.

Juan 5:14

Ne netegteg̵aad dutun naahà sikandin ni Jesus diyà te simbahan he egngezanan te Valey te Megbevayà, ne migkeg̵iyan ni Jesus te, “Meupiya su neulian ke en; iniyug̵i nu en is menge mezaat he ulaula nu su wey kenè nu meeg̵iyi is tuwas pa he mezaat.”

Juan 6:69

Edtuu key kenikew su netuenan dey he iyan ka sikan is mibpilì te Megbevayà he ibpahadì.”

Juan 9:22

Umba iyan haazà tavak dutun te menge g̵inikanan din su nahandek dan te menge punuan he Hudiyu su neuyun en he zaan is menge punuan he ke zuen egkag̵i he iyan si Jesus sikan is mibpilì te Megbevayà he ibpahadì, ne haazà is egkag̵i, kenè dan en ibpeseled te menge simbahan dan.

Juan 9:34

Ne midtavak dutun is menge punuan te, “Ebpenurù ke ve kenami he mesinupaken ke man utew puun pa te ked-enaka kenikew!” Ne zutun migkeg̵iyan dan sikandin he kenè dan en maan ebmehimuwen he ebpekeseled sikandin diyà te menge simbahan dan te menge Hudiyu.

Nengeulaula 8:36

Ne netegteg̵aad dutun nekeuma zan te wahig, ne migkag̵i haazà is upisyal te, “Wahig en heini; egkehimu ve ke ebewtismuwan a kenikew?”

Nengeulaula 8:37

Ne midtavak si Felipe te, “Egkehimu emun hustu en is kedtuu nu.” Ne midtavak haazà is upisyal te, “Neketuu ad; edtuuwan ku he Anak te Megbevayà si Jesu Kristu.”

Nengeulaula 9:20

Ne zutun midseled te simbahan te menge Hudiyu ne impenurù din is keag̵i ni Jesus. Ne ke sikandin te, “Si Jesus, Anak te Megbevayà.”

Ruma 1:4

Ne is Nengazen tew he si Jesu Kristu, wag̵as sikandin he Megbevayà su anak daan sikandin te Megbevayà su impaahà heini kenitew pinaag̵i te zekelà he g̵ehem te Megbevayà he iyan imbanhew kandin.

Ruma 10:20

Ne keladu pa utew is Lalag te Megbevayà he impenudtul zengan ni Esaias su edhenduen te, “Neturedu a te menge etew he kenà ebpen-ahà kedì, ne minsan ke wazè e zan iinsà, impesavut ku kandan ke hentei a,” ke sikandin.

1 Juan 4:15

Ne ke zuen minsan hentei he egkag̵i he edtuuwan din he Anak te Megbevayà si Jesus, diyà ed-ubpà te kandin is Megbevayà ne nekidsevaha sikandin te Megbevayà.

1 Juan 5:10

Is minsan hentei he edtuu he Anak te Megbevayà si Jesus, nevenaran sikandin te kebpenistig̵us te Megbevayà. Is minsan hentei he kenà edtuu te kebpenistig̵us te Megbevayà, ed-isipen din he teruen is Megbevayà su wazè din tuuwi is kebpenistig̵us te Megbevayà mehitenged te Anak din he si Jesus.

1 Juan 5:13

Sikiyu is nemeketuu en te Anak te Megbevayà, ebpesuratan ku sikiyu wey niw metueni he zuen niw en untung he wazà pidtemanan.

1 Juan 5:20

Netuenan tew zaan he midhendini en te kelibutan is Anak te Megbevayà ne imbeg̵ey zin kenitew is kedsavut wey kiw mehimu he menge emig̵u te tutuu he Megbevayà. Nekidsevaha kiw te tutuu he Megbevayà su nekidsevaha kiw te Anak din he si Jesu Kristu. Iyan sikandin tutuu he Megbevayà, iyan sikandin puunà te untung he wazà pidtemanan.

1 Juan 5:5

Hentei is ebpekezaag ki Setanas? Iyan dà sikan is midtuu he Anak te Megbevayà si Jesus.

3 Juan 1:10

Emun ebpekehendiyan a, edseyseyen ku keniyu is langun he mezaat he ed-ul-ulahan din, su kenà tutuu is menge memezaat he lalag din he ebpemekesug̵at kenami. Ne kenà duen dà taman su kenè din ed-elimahan is menge zuma ta he tumutuu ke ebpekeuma zan. Ne kenè din daan idtug̵ut he ed-elimahan sikandan te menge zuma zin he tumutuu ziyan. Is ed-elima mulà kandan, kenè din idtug̵ut he edtampu zan te kedsimba niw.