Juan 9:24 - Manobo Western Bukidnon

²⁴ Ne zutun mid-umanan dan umawa haazà is neulian he lakap ne migkeg̵iyan dan te, “Iyan nu keg̵iya is tutuu su kayi ka te etuvangan te Megbevayà. Netuenan dey he heini si Jesus, mesinupaken sikandin te sug̵ù te Megbevayà.”

Juan 9:24 Cross References

Marcos 15:27

Ne zuen dezuwa he tulisan he inransang dan daan te krus. Is krus te sevaha, ne ziyè dan ipasek te zapit te egkekewanan ni Jesus, ne is sevaha zutun, ne ziyà te zapit te egkeg̵ivang din.

Lucas 15:2

Ne utew heini ingkeepes te menge Perisiyu wey menge menunudlù te kesug̵uan he zutun daan, ne ke sikandan te, “Heini si Jesus, ne ebpemekiduma kayi te menge etew he utew mesinupaken te kesug̵uan tew ne egkaan daan sikandin duma kandan.”

Lucas 19:7

Ne hein nezineg haazà te menge etew is lalag ni Jesus diyà te ki Sekiyu ne wazè dan mesuati ne pesikag̵i sikandan te, “Maan is ebpemenahik si Jesus diyà te valey te etew he utew mesinupaken te Megbevayà?”

Lucas 7:39

Ne naahà heini zutun te Perisiyu he mid-umbita ki Jesus, ne neisip din is, “Angin ke tutuu he ebpeneuven heini te Megbevayà ne kenà ebpekeeles kandin is meremerik he ulaula kayi te vahi ne wazè din pezem itug̵ut he meg̵ewezi is lawa zin kayi te vahi.”

Juan 14:30

Mevavè dà utew is menge lalag ku keniyu su meg̵aan en ebpekeuma si Setanas is egalen te menge etew zini te kelibutan he kuntada ku. Wazè din keg̵ehem kediey,

Juan 16:2

Su id-awè dan is ketenged niw te kedseled diyà te simbahan, ne kenà iyan dà heini su keuzemà ke zuen edhimatey keniyu, kunaan din ke igkesuat te Megbevayà haazà is mibeelan din.

Juan 18:30

Ne midtavak is menge punuan te, “Emun kenà selaan heini, kenè dey pezem id-etuvang kenikew.”

Juan 19:6

Ne is menge punuan he memumuhat wey is menge pulis, hein neehè dan si Jesus, mibpememensag dan te, “Himetayi, iransang te krus!” Ne midtavak si Pilatu te, “Iyan kew medransang kandin te krus su siak, wazè ku egketuenan he salè din!”

Juan 5:23

su egkesuatan din he edtehuzen a te langun he menge etew iring te kedtehuza zan kandin. Ne is minsan hentei he kenè e zin edtehuzen, is kenè din kedtahud kediey, iyan daan kenè din kedtahud te Amey ku he Megbevayà he midsug̵ù kedì.

Juan 8:46

Ne hentei keniyu is ebpeketistig̵us te mezaat he mibeelan ku? Wazà! Emun tutuu is egkeg̵iyen ku, maan is kenè kew ebpeketuu?

Juan 8:49

Ne midtavak daan si Jesus te, “Wazà a suuki. Emun ebentug̵en ku is Amey ku he Megbevayà, maan is edsulaan a keniyu?

Juan 9:16

Ne zutun migkag̵i is duma zutun te menge Perisiyu, ke sikandan te, “Heini si Jesus, kenà iyan sikandin sug̵ù te Megbevayà su edsupaken din layun is kesug̵uan mehitenged te Andew te Kedhimeley.” Iyan, migkag̵i zaan is duma pa he menge Perisiyu te, “Emun mesinupaken he etew, kenè din egkehimu is menge egkein-inuwan he iring kayi!” Ne zutun kenè dan egkengeuyun.

Juan 9:25

Ne midtavak is etew te, “Kenè ku egketuenan ke mesinupaken be sikandin wey ke kenà. Iyan dà egketuenan ku is: hein aney, lakap a iyan, ne g̵untaan ebpekaahà ad!”

Ruma 8:3

Wazà tavang he egkekuwà ta pinaag̵i te kedtumana ta te kesug̵uan geina te wazè ta mehimu te edtuman, iyan, is Megbevayà mulà, ne iyan neketavang kenita. Su midsug̵ù din sikan is Anak din he si Jesus he nehimu he etew. Ne si Jesus, duen lawa zin he iring te lawa ta su wey zin meseg̵azi ziyà te lawa zin is silut te Megbevayà tenged te menge salè tew. Ne pinaag̵i te kedsiluti zin ki Jesus, in-awè din is gehem te mezaat he kebayè ta.

2 Kurintu 5:21

Wazà minsan hengkey he mezaat he ulaula ni Kristu, iyan, midhimu te Megbevayà he iyan sikandin midsilutan tenged te salè tew su wey pinaag̵i te kebpekidsevaha tew kandin, egkehimu he ed-isipen kiw he metazeng te Megbevayà.

Impezayag 11:13

Ne segugunà midlinug te utew mezesen. Ne nengerundus is ikesepulù he vahin te menge valey zutun te inged. Ne neg̵erà zutun te linug is pitu he libu he menge etew. Ne utew nengehandek dutun is menge etew he naawas dutun te linug ne midalig dan is mekeg̵eg̵ehem he Megbevayà he ziyà te langit.