Juan 8:7 - Manobo Western Bukidnon

⁷ Ne g̵eina te kenè dan ed-engked he ed-insà, midhitindeg sikandin ne migkag̵i te, “Is sevaha keniyu he wazà mekevaal te mezaat te minsan keenu, iyan medhuna medtuleng kandin te vatu.”

Juan 8:7 Cross References

Juan 7:46

Ne midtavak is menge guwardya te, “Iyan wazè dey ikezekepa kandin su utew meupiya is kedwali zin; wazè pa etew he nekewali iring te ked-wali zin!”

Juan 8:10

Ne midlingahà ni Jesus haazà is bahi ne ke sikandin te, “Bayi, hendei en sikandan is midsumbung kenikew? Wazè bes ebpeketuleng kenikew te vatu?”

Juan 8:8

Ne hein nekag̵i ni Jesus haazà, midtikintikin en maan, ne midsurat en maan diyà te tanà.

Kulusas 4:6

Kinahanglan he layun ibmeupiya te g̵ehinawa te menge etew is menge lalag niw kandan ne kinahanglan daan he iyan niw keg̵iya kandan is menge lalag he zuen din pulus ne emun ed-ul-ulahan niw heini, ne egketuenan niw ke hengkey is hustu he ketezengan he idtavak diyà te kada sevaha he etew.

Impezayag 1:16

Ne ziyà te kewanan din migewezan din is pitu he vituen. Ne edlepew ziyà te vèbè din is sundang he zezuwa is gerangan din he utew meg̵arang. Ne is buked din, henduen te edsig̵a he andew he utew merayag.

Impezayag 19:15

Ne midlepew ziyà te vèbè din is sundang he utew meg̵arang ne egemiten din haazà te kedsulituwa zin te langun he menge g̵inhedian dini te lumpad te kelibutan. Utew mezesen is kebayàbayè din kandan ne ibpeehè din is rerangit kandan te mekeg̵eg̵ehem he Megbevayà. Henduen sikandin te egkeres te menge kuntada zin, su ke và dà beg̵as te paras is menge etew ne henduen sikandin te egkeres te veg̵as te paras.

Impezayag 2:16

Iniyug̵i niw heini is mezaat he ulaula su emun kenà, meg̵aan ku en sikiyu ebeyai ne edtebeken ku heini is menge etew. Iyan gumaan ku heini is sundang dini te vèbè ku he iyan is lalag ku.