Juan 8:48 - Manobo Western Bukidnon

⁴⁸ Ne zutun midtavak ki Jesus is menge punuan he menge Hudiyu, ke sikandan te, “Tutuu ves iyan he tigSemarya ka he memeremerik is betasan! Kela ke midsuukan ka te mezaat he mulin-ulin!”

Juan 8:48 Cross References

Mateo 10:25

Umba, siak is egalen niw wey ebpenurù keniyu, kinahanglan he egkeiringan a keniyu. Su siak is egalen niw, emun egngezanan a te menge etew ki Endedaman, wey pe be kenà tuwas pa he mezaat is igngazan dan keniyu te menge sakup ku?

Mateo 10:5

Impehipanew ni Jesus heini is sepulù wey zezuwa. Ke sikandin te, “Kenè kew hendiyà te menge inged te menge etew he kenà Hudiyu wey ziyà te menge inged te Semarya.

Mateo 11:18

Su hein neehè niw si Juan is edsalang egkaan ne kenà daan ed-inum te vinu, ne migkag̵i niw he midsuukan sikandin te mezaat he mulin-ulin.

Mateo 12:24

Ne zuen menge Perisiyu zutun ne hein nezineg dan haazà migkag̵i zan te, “Umba zuen gehem din he ebpekeulì te edlelungen te mezaat he mulin-ulin su iyan mibeg̵ey kandin te g̵ehem si Endedaman, sikan is egalen te menge mezaat he mulin-ulin.”

Mateo 12:31

Umba, egkeg̵iyen ku keniyu he egkepesaylu pa is etew te minsan hengkey he salè din wey minsan hengkey he mezaat he egkeg̵iyen din, iyan, sikan is edsumpalit te Wag̵as he Mulin-ulin, kenà egkepesaylu.

Mateo 15:7

Tarù is kedtuu niw te Megbevayà! Utew hustu is Lalag te Megbevayà he insurat te tipehuna he ebpeneuven he si Esaias. Netagnè kew zin, su ke sikandin te,

Juan 1:19

Duen menge memumuhat wey menge kevuwazan ni Levi he midhendiyà te ki Juan Megbebewtismu. Midsug̵ù sikandan te menge punuan te menge Hudiyu puun te Hiruselim wey zan meinsai si Juan ke hentei sikandin. Ne iyan heini migkag̵i ni Juan su wazè din ieles, ke sikandin te, “Siak, kenà a iyan kes mibpilì te Megbevayà wey mekehadì.”

Juan 10:20

Mezakel kandan is egkag̵i te, “Ebuneg̵en sikandin wey mid-ulinan te mezaat he mulin-ulin. Kenè tew ebpemineg̵en sikandin.”

Juan 13:13

Iyan niw id-umew kedì is Menunudlù wey Egalen, ne hustu en heeyan su iyan a iyan egalen niw.

Juan 4:9

Ne migkag̵i haazà is bahi te, “Hudiyu ka ne siak, tigSemarya a. Maan is ebuyù ka te wahig kayi te kedì?” Umba nekag̵i zin heini su is menge Hudiyu, kenè dan ebpekidlalag te minsan hentei he tigSemarya.

Juan 7:20

Ne midtavak haazà is menge etew te, “Kela ka midsuukan ka te mezaat he mulin-ulin su wazè man egkesuat he edhimatey kenikew?”

Juan 8:22

Ne zutun mibpein-inseey zan te, “Kela ke edhiket su maan is egkag̵i sikandin te ke hendei sikandin ebpevayà, kenè kiw ebpeketelukun?”

Juan 8:52

Ne migkag̵i kandin is menge Hudiyu te, “Netuenan dey he tutuu iyan he edlelungen ka te mezaat he mulin-ulin! Minsan si Abraham wey is langun he menge ebpeneuven dengan te Megbevayà, minatey zan en pudu, ne maan is egkag̵i ka he is minsan hentei he edtuman te ibpenurù nu kandin, kenè en ebpekeag̵i te kemetayen!

Ruma 15:3

Su si Kristu, wazè din isipa is kandin he egkesuatan su insurat dengan is midtagnà he menge lalag din diyà te Megbevayà he edhenduen te, “Is menge mezaat he lalag te menge etew he insulè dan kenikew, ne iyan daan kedsulaa zan kediey.”

Hibriyuhanen 13:13

Umba, menge suled, egawas kiw zaan te inged ne edhendiyè kiw en te kandin, he ke và dà egkeg̵iya, kenè tew en edserig̵an is kedtumana te menge tuluuwen te menge Hudiyu, kekenà, iyan dà edserig̵an tew si Jesus. Edsundanan tew sikandin ne kenè tew igkehandek is ked-entusa tew te kedsudia kenitew tenged te kedtuu tew kandin.

Santiago 2:19

Emun midtuu ki he sebsevaha zà is Megbevayà utew meupiya heeyan, iyan, kenè pa hustu su minsan is menge mezaat he mulin-ulin, midtuu zan daan te iring keniyan, iyan, egkerkeren dan te kegkehandek su netuenan dan he edsilutan sikandan keuzemà.