Juan 8:44 - Manobo Western Bukidnon

⁴⁴ Iyan amey niw si Setanas, ne is egkesuatan te amey niw, iyan daan egkesuatan niw he meveeli niw. Puun pa te puunà ne memumunù en si Setanas. Ne wazè din kelavet te tutuu he tuluuwen su wazà diyà te kandin is minsan hengkey he tutuu. Emun egkag̵i sikandin, ne tarù is lalag din su tarù dà is egkeisip din. Teruen man sikandin wey ziyà te kandin ebpuun is minsan hengkey he tarù.

Juan 8:44 Cross References

Mateo 12:34

Iring din ded daan kayi te keniyu. Wazà meupiya he egkekag̵i niw su memezaat is ulaula niw. Iring kew te menge uled su ebpekekaid kew! Is diyà te g̵ehinawa te etew, iyan edlepew ziyà te vèbè din.

Mateo 13:15

Su heini he menge etew, midmezesen is isip dan. Edsebpengen dan is telinga zan, edlipezengen dan is menge mata zan. Su emun kenà, ebpekeehè dan ne ebpekezineg dan, ne egkesavut dan is hustu ne edsarig dan kedì ne edlibriyen ku sikandan.’ ”

Mateo 13:38

Haazà is pemuleey, ne iyan heini is kelibutan; ne haazà is menge meupiya he pinemula, ne iyan heini is menge etew he ebpahadì te Megbevayà; ne sikan is menge mezaat he pinemula, ne iyan is menge sakup ni Setanas.

Juan 6:70

Ne migkag̵i kandan si Jesus te, “Siak, mibpilì ku sikiyu is sepulù wey zezuwa, iyan, sakup ni Setanas is sevaha keniyu.”

Juan 7:17

Is etew he egkesuat he edtuman te ebpeveelan te Megbevayà, iyan egkesayud ke ziyè be ebpuun te Megbevayà is ibpenurù ku wey ke zini zè be ebpuun te isip ku.

Juan 8:38

Is impaahà kedì te Amey ku, iyan egkeg̵iyen ku, ne sikiyu, ebeelan niw mulà is nezineg niw ziyà te keniyu he amey.”

Juan 8:41

Iyan ebeelan niw is mibeelan dengan te amey niw.” Ne mibensag dan te, “Wazè key ikeg̵ingey zà! Sikami, netuenan dey he sebsevaha zà is Amey zey he iyan is Megbevayà!”

Juan 8:55

iyan, wazè niw metueni ke hentei sikandin. Siak mulà, netuenan ku ke hentei sikandin. Ke migkag̵i ku he wazè ku sikandin mekilala, teruen a iring keniyu. Iyan, netuenan ku ke hentei sikandin ne edtumanen ku is menge lalag din kediey.

Nengeulaula 13:10

ne migkeg̵iyan din te, “Iring ka ki Setanas he ebpenlimbung. Utew ka lalung ne kuntada ka te minsan hengkey he meupiya. Su is Lalag te Nengazen he utew hustu, egkeg̵iyen nu he tarù.

Nengeulaula 24:9

Ne zutun is menge Hudiyu he zuma ni Tertulu midtistig̵usan dan is langun he migkag̵i zin.

Nengeulaula 5:3

Ne migkeg̵iyan sikandin ni Pedro te, “Eneniyas, maan is ebpevayàbayè ka ki Setanas su edlimbungan niw is Wag̵as he Mulin-ulin su kenè niw id-amin is selapì.

2 Kurintu 11:3

Egkeipeng a keniyu su kela ke meengkezi niw is kebpurungi niw kedtumana te menge sug̵ù ni Kristu su kela ke mesahug is kedtuu niw te selakew he edtuuwen. Kela ke meiringi niw si Ibà dengan su mid-akalan sikandin te teruen he uled he iyan si Setanas.

1 Pedro 5:8

Med-andam kew, mebantey kew su is kuntada tew he si Setanas, edrig̵urig̵u en he iring te erimaung he edhinig̵er su ebpen-ahà te edewiyen din.

2 Pedro 2:4

Su wazà pesegdana te Megbevayà minsan is menge velinsug̵uen din dengan he nekesalà, kekenà, intimbag din diyà te Iveyaan. Ne ziyè dan pa te utew merusirem he mibakus te kedina su idtag̵ad sikandan taman te andew te kedsilut.

1 Juan 1:8

Emun egkag̵i ki he wazè ta salà, tarù is ebpetuuwan ta te g̵ehinawa ta ne kenè ki ves edtuman te tutuu he tuluuwen.

1 Juan 2:21

Kenè ku iyan ibpesurati keniyu is tenged te wazè niw mesavut ke hengkey is tutuu he tuluuwen, kekenà, tenged te nesavut niw en wey tenged te wazà minsan hengkey he tarù he ziyà ebpuun te tutuu he tuluuwen.

1 Juan 2:4

Iyan, ke zuen egkag̵i te, “Emig̵u e en te Megbevayà,” ne haazà is egkag̵i, kenè din edtumanen is menge sug̵ù te Megbevayà, teruen sikandin. Kenà sikandin ebpezumazuma te tutuu he tuluuwen.

1 Juan 3:12

Kenè tew ed-iringan si Kain su sakup sikandin ni Setanas ne mibunù din is hazi zin. Umba mibunù din su mezaat is kandin he ulaula ne metazeng mulà is menge ulaula te hazi zin.

1 Juan 3:15

Is minsan hentei he ebpekigkuntada te zuma zin, mid-isip sikandin te Megbevayà he iring te teremunù; ne netuenan ta he ke zuen etew he egkesuat he ebunù wazè pa sikandin mekeangken te untung he wazà pidtemanan.

Hudas 1:6

Isipa niw zaan is menge velinsug̵uen din dengan diyà te langit. Mid-engkezan dan is ketengdanan he imbeg̵ey zin kandan ne mid-ewaan dan is hustu he ed-ubpaan dan. Tenged dutun mibpirisu zin sikandan diyà te utew merusirem. Mibakus din te kedina he kenà egkezeetan te wazà pidtemanan su idtag̵ad sikandan taman te kenè pa egkeuma is andew keuzemà te kedsiluti zin kandan.

Impezayag 12:9

midsegseg haazà is dekelà he uled puun te langit. Ne haazà he deragun, iyan si Setanas, sikan is mezaat he mulin-ulin he mid-ekalan din is tivuuk he menusiyà. Ne sikandin wey is langun he menge velinsug̵uen din, intimbag sikandan pehendini te tanà.

Impezayag 13:14

Ne pinaag̵i te menge egkein-inuwan he intug̵ut kandin he ibpeulaula ziyà te etuvangan dutun te nehuna he langgam, ed-ekalan din is tivuuk he menusiyà dini te kelibutan. Ne zutun edsug̵uen din is menge etew he veeli zan is ledawan dutun te nehuna he langgam ne ezapa zan. Haazà is nehuna he langgam, midtibas duen te sundang, iyan, wazà mebpatey.

Impezayag 2:10

Kenè kew mahandek te meg̵aan niw en igkerasey. Si Setanas, meg̵aan din en ibpepirisu is duma keniyu su ebpenulayen kew zin. Ne seled te sepulù he andew ebpekeantus kew te kemereg̵enan. Mebmetinumanen kew te menge sug̵ù ku taman te kemetayen su ebeg̵ayan ku sikiyu te kuruna he iyan is untung he wazà pidtemanan.

Impezayag 21:8

Iyan, sikan is egkehandek he edsundan kedì wey is menge kenà metinumanen, is menge etew he memahawag is ulaula, is menge memumunù, wey is menge meremerik is betasan, is menge keteuwan he etew, wey menge ed-azap te kenà tutuu he Megbevayà wey is langun he teruen he menge etew, iyan egketemanan dan is id-agbur sikandan diyà te ranew he nepenù te egkeregreg he esupri he iyan ikezuwa he kemetayen,” ke sikandin.

Impezayag 22:15

Iyan, diyè dà te meziyù is mekeeled-eled is baal zin, wey is menge keteuwan, is memeremerik is ulaula, is menge memumunù, is ebpemenimba te menge ledawan wey is langun he menge etew he ebpenurù te tarù wey is etew he limbung is ulaula zin.

Impezayag 9:11

Duen hadì he ebayàbayà kandan, iyan sikan is belinsug̵uen he mibpuwas duen te vitu he wazà pidtemanan is kezalem din. Ne ziyà te kineg̵iyan he Hibriyuhanen iyan ngazan din si Ebedun, ne ziyà te Gerisyahanen, si Epeliyun, he ke và dà egkeg̵iya, sikan is ebpekezezaat.