Juan 8:28 - Manobo Western Bukidnon

²⁸ Ne tenged dutun migkag̵i en maan si Jesus te, “Siak is Kakey te Menusiyà, dutun te kedrensanga niw kedì keuzemà diyà te kayu he ibpehitindeg, egketuenan niw human he iyan a sikan is mibpilì te Megbevayà he ibpahadì. Egketuenan niw zutun he is langun he mibeelan ku, impeveelan kedì te Amey ku he Megbevayà wey is ibpekag̵i zin kedì, iyan nekag̵i ku.

Juan 8:28 Cross References

Mateo 24:5

Su mezakel is ebpenlepew he egamit te ngazan ku ne egkag̵i is kada sevaha zutun he iyan sikandin sikan is mibpilì te Megbevayà he ibpahadì! Ne mezakel is ebpeketuu te menge tarù dan.

Marcos 13:6

su mezakel is ebpemenlepew he egamit te ngazan ku he egkag̵i is kada sevaha zutun he iyan sikandin sikan is mibpilì te Megbevayà he ibpahadì. Ne mezakel is ebpeketuu te menge tarù dan.

Lucas 21:8

Ne midtavak si Jesus te, “Mebpekevantey kew wey kew kenà mekesundan te teruen he etew su mezakel is ebpemenlepew he egamit te ngazan ku he egkag̵i is kada sevaha zutun he iyan sikandin sikan is mibpilì te Megbevayà he ibpahadì. Ne egkag̵i zaan te, ‘Iyan en heini timpu te kedlimasa te Megbevayà te menusiyà,’ ke sikandan. Iyan, kenè niw tuuwi su tarù.

Juan 11:42

Netuenan ku he layun ka ebpemineg te egkeg̵iyen ku, iyan, tenged te menge etew kayi te uvey ku ed-ampù a kenikew g̵untaan wey zan meketuu he midsug̵ù a kenikew zini te kelibutan.”

Juan 13:19

Umba,” ke si Jesus, “te kenè pa heini egkehitavù, egkeg̵iyen ku en keniyu he zaan su emun egketuman en, ebpeketuu kew he iyan a sikan is mibpilì te Megbevayà he ibpahadì.

Juan 16:10

Ibpesavut din kandan is metazeng he ibayà su ed-ulì ad diyà te Amey ku ne kenè e en egkeahà keniyu.

Juan 18:32

(Umba neulaula heini su egketuman is midtagnà ni Jesus he edhimetayan sikandin pinaag̵i te kedrensanga te krus.)

Juan 19:18

Ne zutun inransang si Jesus te menge sundaru. Ne zuen pa zezuwa he inransang dan daan diyà te krus. Impasek dan is krus te sevaha ziyà te egkeg̵ivang, ne is sevaha, diyà te egkekewanan, ne ziyà te teliwazà si Jesus.

Juan 3:11

Kenè nu lipati he is egkeg̵iyen dey, kenà tarù. Netuenan dey he tutuu is ibpesavut dey su neehè dey en, iyan, kenè niw mulà edtuuwan is egkeg̵iyen dey.

Juan 3:14

Ne mid-uman megkag̵i si Jesus te, “Dengan te kemulu pa ensi Moises diyà te tanà he wazà duen ed-ubpà he etew mibeelan din is uled he g̵alang ne intaud din te kayu ne imbayew zin. Siak is Kakey te Menusiyà, iring din ded daan is egkehitavù kedì keuzemà su idtaud a zaan te kayu ne ibayew a.

Juan 4:26

Ne midtavak si Jesus te, “Siak is ebpekidlalag kenikew, iyan ad sikan is migeraran ki Kristu.”

Juan 5:19

Ne zutun midtavak si Jesus te, “Utew venar is egkeg̵iyen ku keniyu he siak is Anak te Megbevayà, wazà egkehimu ku te kediey zà duen he g̵ehem; iyan dà edhimuwen ku is egkeehè ku he edhimuwen te Amey ku. Is ebeelan din, iyan daan ebeelan ku.

Juan 5:30

Wazà egkehimu ku te sebsevaha ku; su is paag̵i te kedsusiya ku te nengeveelan te menusiyà, impenurù kediey te Amey ku he Megbevayà. Ne metazeng mulà is kediey he kedsusi kandan su kenè ku ebpengahaan is kediey he egkesuatan, kekenà, is egkesuatan te Amey ku he midsug̵ù kediey.

Juan 6:38

Iyan igkeg̵iya ku kayi keniyu su midhendini a he ebpuun te langit wey ku metuman is egkesuatan te Megbevayà he midsug̵ù kediey; kenè ku iyan edtumanen is kediey zà he egkesuatan.

Juan 8:24

Umba migkag̵i ku keniyu he ebpematey kew he kenà egkepeseylu is menge salè niw su tutuu iyan haazà emun kenè kew edtuu he iyan a sikan is mibpilì te Megbevayà he ibpahadì.”

Juan 8:27

Wazà dutun mesavut te menge Hudiyu ke hentei is midsug̵ù kandin he egkeg̵iyen din; wazè dan mesavut he iyan kes Amey zin he Megbevayà.

Juan 8:58

Ne midtavak si Jesus te, “Utew venar is egkeg̵iyen ku keniyu he te wazè pa ianak si Abraham daan e en.”

Nengeulaula 2:41

Ne zutun, mezakel is nemeketuu te impesavut kandan ni Pedro ne mibpebewtismu sikandan. Ne zutun he andew neumanan kes menge tumutuu te tetelu he libu.

Nengeulaula 4:4

Ne minsan pa zutun, neketuu is mezakel he nekepemineg engki Pedro. Ne tenged dutun is kezakel te menge maama zutun te nemeketuu ki Jesus ne migawhat te lelima he libu.

Ruma 1:4

Ne is Nengazen tew he si Jesu Kristu, wag̵as sikandin he Megbevayà su anak daan sikandin te Megbevayà su impaahà heini kenitew pinaag̵i te zekelà he g̵ehem te Megbevayà he iyan imbanhew kandin.