Juan 8:18 - Manobo Western Bukidnon

¹⁸ Ebpenistig̵usan ku is keugelingen ku, ne is Amey ku he midsug̵ù kedì, ebpenistig̵usan e zin daan.”

Juan 8:18 Cross References

Juan 10:11

Iyan a sikan is ed-elima te menge kerehidu he utew meelima. Ibelavag ku is untung ku wey kenà mekeizi is menge kerehidu ku.

Juan 10:14

Iyan a kes ed-elima te menge kerehidu he utew meelima. Netuenan ku ke hentei is Amey ku, ne netuenan din daan ke hentei a is anak din. Iring din ded daan is menge etew he g̵aked ku, netuenan dan ke hentei a ne egketuenan ku zaan ke hentei sikandan, ne ebpehimatey a he elili te menge etew he g̵aked ku.

Juan 10:30

Sevaha key zà, siak wey is Amey ku he Megbevayà.”

Juan 10:9

Iyan a sikan is gemawan; ke zuen minsan hentei he edseled pinaag̵i kediey edlibriyen sikandin te silut. Iring sikandin te kerehidu ku he edseled te tudil ne egawas he ebpen-ahà te egkeenen.

Juan 11:25

Ne migkag̵i si Jesus te, “Iyan a sikan is ebpemanhew; iyan a kes ebeg̵ey te untung. Ke zuen etew he edtuu kedì, minsan ke ebpatey, uuyag gihapun is gimukud din.

Juan 14:6

Ne midtavak si Jesus te, “Iyan a sikan is ibayà; iyan a kes tutuu he edtuuwan; iyan a kes ebpuunan te untung he wazà pidtemanan. Wazà ebpekehendiyà te ed-ubpaan te Amey ku emun kenà a iyan ibayè din.

Juan 8:12

Ne mid-uman megkag̵i si Jesus diyà te menge etew, ke sikandin te, “Iyan a sikan is kerayag he ebpeketayew te isip te tivuuk he menusiyà. Ne is etew he edsundan kediey, kenà en sikandin egkesakup te g̵ehem te kerusireman, kekenà, egketeyawan is kedsavut din te kerayag he ebpekeveg̵ay te untung he wazà pidtemanan.”

Juan 8:25

Ne migkag̵i zan te, “Hentei ka?” Ne midtavak si Jesus te, “Iyan a sikan is layun ku en egkeg̵iya keniyu puun pa te puunà te kebpenurù ku kayi.

Juan 8:38

Is impaahà kedì te Amey ku, iyan egkeg̵iyen ku, ne sikiyu, ebeelan niw mulà is nezineg niw ziyà te keniyu he amey.”

Juan 8:51

Utew venar is egkeg̵iyen ku keniyu he is minsan hentei he edtuman te ibpenurù ku kandin, kenè en ebpekeag̵i te kemetayen!”

Juan 8:58

Ne midtavak si Jesus te, “Utew venar is egkeg̵iyen ku keniyu he te wazè pa ianak si Abraham daan e en.”

Hibriyuhanen 2:4

Ne is Megbevayà, midtistig̵usan din daan haazà is impenurù dan su mibeg̵ayan din sikandan te g̵ehem wey zan ikepaahà is menge singyal, wey menge egkein-inuwan he kenà ed-iring-iring. Ne zuen daan menge ketau he imbeg̵ey zin diyà te menge tumutuu pinaag̵i te ked-ulini kandan te Wag̵as he Mulin-ulin sumalà is egkesuatan din he ebeg̵ayan.