Juan 7:42 - Manobo Western Bukidnon

⁴² Su,” ke sikandin, “impesavut te insurat he Lalag te Megbevayà he is hadì he mibpilì te Megbevayà, ne kevuwazan te hadì dengan he si David, ne ziyè kun id-anak te inged he Bitlihim he inged daan dengan ni Hadì David.”

Juan 7:42 Cross References

Mateo 1:1

Iyan heini kes gug̵ud te kepuun ni Jesu Kristu. Kevuwazan si Jesu Kristu ni Hadì David dengan. Ne si David, kevuwazan ni Abraham.

Mateo 2:5

Ne midtavak dan te, “Diyà sikandin id-anak te inged he Bitlihim, te prubinsya he Hudiya. Egketuenan ta heini su zuen insurat he Lalag te Megbevayà pinaag̵i te ebpeneuven dengan he egkag̵i te,

Mateo 2:6

‘Sikiyu is menge tigBitlihim he ziyà ed-ubpà te prubinsya he Hudiya, egkevantug daan is inged niw iring te zuma he menge inged diyan te Hudiya su ziyà te keniyu ebpuun is edhadì te menge sakup ku he menge kevuwazan ni Israyil.’ ”

Lucas 2:11

Su kayi te kezukileman in-anak diyà te Bitlihim he iyan inged ni Hadì David dengan, is Nengazen he iyan kes mibpilì te Megbevayà he ibpahadì. Iyan sikandin edlibri keniyu te silut te Megbevayà.

Lucas 2:4

Umba, si Jose is dutun ed-ubpà te inged he Neserit he ziyà te prubinsya he Geliliya, kinahanglan he edhendiyà te prubinsya he Hudiya, diyà te inged he Bitlihim he iyan inged he mid-enakan ki Hadì David dengan; su si Jose, kevuwazan sikandin ni Hadì David.

Juan 7:27

Iyan, emun iyan en sikandin sikan is hadì ne maan is netuenan tew is ebpuunan din, su emun ebpekeuma haazà is ibpahadì te Megbevayà, kenà egketuenan te minsan hentei ke hendei ebpuun, iyan, heini he etew, netuenan tew ke hendei ebpuun.”