Juan 7:32 - Manobo Western Bukidnon

³² Ne hein nezineg te menge Perisiyu heini is egkeg̵iyen te menge etew, sikandan wey is menge punuan he memumuhat, midsug̵ù dan is menge guwardya te zekelà he simbahan wey zan mezakep si Jesus.

Juan 7:32 Cross References

Mateo 12:14

Ne mid-awà dutun is menge Perisiyu ne mibpelelelag̵è dan ke hengkey is paag̵i he mehimu zan he mepatey si Jesus.

Mateo 23:13

Kehizu niw te menge menunudlù te kesug̵uan wey sikiyu is menge Perisiyu su tarù is kedtuu niw te Megbevayà! Su ke zuen etew he ibeg̵ey zin pezem is gehinawa zin diyà te hadì tew he Megbevayà, kenè niw edtug̵utan, ne kenè niw zaan ibpeveyveyaan is gehinawa niw te Megbevayà.

Mateo 26:58

Si Pedro, midtinundug, asal kenà utew ed-uvey ne zutun te nekeuma zan en diyà te valey te lavew he memumuhat ne ziyè dà medtaman si Pedro te lama. Ne hein nekeseled en sikandin dutun te lama, mibpesahugsahug sikandin mebpinuu zuen te menge guwardya su ed-ahaan din ke hengkey en is egkeulaula ki Jesus.

Juan 11:46

Iyan, is duma kandan, midhendiyà te menge Perisiyu ne mibpenudtul zan is mibeelan ni Jesus.

Juan 12:19

Ne zutun migkag̵i is menge Perisiyu te, “Utew mezakel he menge etew is edsundan kandin! Wazè tew en bes egkehimu.”

Juan 18:3

Ne zutun nekeuma si Hudas he edumahan te sengekumpeniya he sundaru wey pulis he midsug̵ù te menge punuan he memumuhat wey menge Perisiyu. Ne ebpenusulù he nengeg̵umeenan sikandan.

Juan 7:30

Ne edekepen dan pezem si Jesus dutun, iyan, wazà nekeaku he egawed kandin su wazè pa itug̵ut te Megbevayà.

Nengeulaula 5:26

Ne zutun mibeyaan haazà is menge epustul zutun te kepitan wey menge pulis ne mid-uwit dan sikandan diyà te menge punuan, ne wazà bug̵ela zutun te pulis haazà is menge epustul su nahandek dan te menge etew su kela ke tulenga sikandan te vatu.