Juan 7:28 - Manobo Western Bukidnon

²⁸ Ne nezineg ni Jesus haazà, ne zutun te kebpenurù din diyà te simbahan he Valey te Megbevayà mibpekezag̵ing is egkag̵i te, “Kunaan niw ke netuenan niw ke hentei a wey ke hendei a ebpuun, iyan, wazà, su wazà a medhendini te kediey zà he egkesuatan su impehendini a te Megbevayà. Iyan sikandin sikan is tutuu he Megbevayà, iyan, wazè niw metueni ke hentei sikandin.

Juan 7:28 Cross References

Mateo 11:27

Ne mid-uman megkag̵i si Jesus diyà te menge etew te, “Is minsan hengkey, insarig kediey te Amey ku he Megbevayà. Wazà nesayud kedì te Anak te Megbevayà, kekenà, iyan dà is Amey ku he Megbevayà. Ne wazà daan nesayud te Amey ku he Megbevayà, kekenà, iyan e zà is Anak din wey sikan is menge etew he mibpengelinteuwan ku he mesayud dan kandin.

Mateo 2:23

Ne ziyè dan med-ulì te inged he egngezanan te Neserit. Umba neulaula zan heini su egketuman is netagnà dengan te menge ebpeneuven te Megbevayà su nekag̵i zan he egngezanan si Jesus he tigNeserit.

Mateo 26:55

Ne zutun migkeg̵iyan ni Jesus haazà is menge etew te, “Tulisan e ve? Su maan is neg̵umeenan kew te menge ubpit wey menge lagkut is edakep kedì? Kada andew ne egkeahà a keniyu is ebpenurù te menge etew ziyà te Valey te Megbevayà, ne maan is wazà a keniyu zutun dà dekepa?

Lucas 10:22

Ne zutun mid-uman megkag̵i si Jesus diyà te menge etew te, “Is minsan hengkey, insarig kediey te Amey ku he Megbevayà. Wazà nesayud kedì te Anak te Megbevayà, kekenà, iyan dà is Amey ku he Megbevayà. Ne wazà daan nesayud te Amey ku he Megbevayà, kekenà, iyan e zà is Anak din wey sikan is menge etew he mibpengelinteuwan ku he mesayud dan kandin.”

Lucas 2:11

Su kayi te kezukileman in-anak diyà te Bitlihim he iyan inged ni Hadì David dengan, is Nengazen he iyan kes mibpilì te Megbevayà he ibpahadì. Iyan sikandin edlibri keniyu te silut te Megbevayà.

Lucas 2:39

Ne hein nepasad ni Jose wey ni Maria haazà is kedtumana zan te langun he insug̵ù diyà te kesug̵uan he imbeg̵ey te Nengazen, mid-ulì dan diyà te ed-ubpaan dan diyà te inged he Neserit diyà te prubinsya he Geliliya.

Lucas 2:4

Umba, si Jose is dutun ed-ubpà te inged he Neserit he ziyà te prubinsya he Geliliya, kinahanglan he edhendiyà te prubinsya he Hudiya, diyà te inged he Bitlihim he iyan inged he mid-enakan ki Hadì David dengan; su si Jose, kevuwazan sikandin ni Hadì David.

Lucas 2:51

Miduma kandan si Jesus te ed-ulì diyà te Neserit su mepezumdumahan sikandin te g̵inikanan din. Ne wazà melipati te iney zin haazà is langun he neulaula, kekenà, netipig̵an diyà te isip din.

Juan 1:46

Ne zutun migkag̵i si Natanael te, “Duen be etew he zuen din pulus he tigNeserit?” Ne ke si Felipe te, “Edhendiyè ki wey nu maahà.”

Juan 10:36

maan is egkag̵i kew he edsupaken ku is Megbevayà emun egkag̵i a he Anak a te Megbevayà? Iyan a sikan is mibpilì te Megbevayà wey a mekehendini te kelibutan.

Juan 12:49

Su is menge penurù ku, kenà dini zà ebpuun te kediey zà he isip, su midsug̵ù a te Amey ku he Megbevayà ne insug̵ù din kediey is ibpenurù ku.

Juan 14:10

Wazè ke ves medtuu he zini te kedì is Amey ku, ne ziyà a zaan te kandin su sevaha key zà? Minsan is menge lalag ku keniyu, kenè ku egkeg̵iyen te kediey zà he isip su is Amey ku he zini ed-ubpà te kediey, kandin he vaal heini.

Juan 14:31

iyan, is ed-ul-ulahan ku g̵untaan, ne iyan insug̵ù kediey te Amey ku he Megbevayà. Edtumanen ku heini su wey metueni te menusiyà he mahal zini te g̵ehinawa ku is Amey ku. Ne kuwa kew en su ed-awè kiw kayi.”

Juan 16:3

Umba ebeelan dan heini keniyu su siak wey is Amey ku, wazè key zan mekilala.

Juan 17:25

Wag̵as he Amey ku, is menge etew zini te kelibutan he kuntada nu, wazè dan mesavut ke hentei ka, iyan, siak, nesavut ku; ne heini is menge etew he g̵aked ta, nesavut dan he midsug̵ù a kenikew zini.

Juan 17:3

Ne iyan heini paag̵i he egkezawat dan is untung he wazà pidtemanan. Kinahanglan he egkesavut dan ke hentei ka is sevaha zà he tutuu he Megbevayà wey kinahanglan he egkesavut dan daan ke hentei a is Anak nu he si Jesu Kristu.

Juan 3:2

Midhendiyà sikandin te ki Jesus dutun te mezukilem ne migkeg̵iyan din si Jesus te, “Datù, netuenan dey he menunudlù ka he sug̵ù te Megbevayà su is menge egkein-inuwan he ebeelan nu, iyan dà ebpekehimu te iring kayi is etew he ebeg̵ayan te g̵ehem te Megbevayà.”

Juan 3:33

Iyan, is minsan hentei he edawat kayi ebpekepenistig̵us he tutuu is egkeg̵iyen te Megbevayà.

Juan 5:32

Iyan, selakew is ebpenistig̵us te menge vaal ku. Iyan is Amey ku ebpenistig̵us kediey, ne netuenan ku he egkeserig̵an is kebpenistig̵us din.

Juan 5:43

Midsug̵ù a zini te Amey ku he Megbevayà, ne egemiten ku is gehem din ne minsan pa kayi kenà a keniyu edewaten. Ke zuen selakew he ebpekeuma ne kandin dà he g̵ehem is egemiten din, ne edewaten niw mulà.

Juan 6:42

Ne migkag̵i zan te, “Si Jesus dà duen heini. Anak sikandin ni Jose. Maan is egkeg̵iyen din he ebpuun sikandin diyà te langit he wazà mekeeles kenitew ke hentei is amey zin wey iney zin?”

Juan 7:14

Ne zutun te egkeliwliwazè en is kebibuwan, midhendiyà si Jesus te simbahan he Valey te Megbevayà, ne mibpenurù din is menge etew zutun.

Juan 8:14

Ne midtavak si Jesus te, “Minsan ke iyan a ebpenistig̵us te keugelingen ku, egkeserig̵an is kebpenistig̵us ku su netuenan ku ke hendei a ebpuun wey ke hendei a ebpevayà. Iyan, sikiyu, kenè niw egketuenan ke hendei a ebpuun wey ke hendei a ebpevayà.

Juan 8:16

Ne minsan ke zuen ibpezayag ku he kedhukum, egkeserig̵an mulà is kedì su kenà kediey zà he kedhukum, kekenà, hukum he ziyà ebpuun te Megbevayà he iyan midsug̵ù kediey.

Juan 8:19

Ne migkag̵i kandin is menge Perisiyu te, “Hendei is Amey nu?” Ne midtavak si Jesus te, “Wazè niw metueni ke hentei is Amey ku, ne siak daan, kenè niw egketuenan ke hentei a. Angin ke netuenan niw ke hentei a su egketuenan niw zaan ke hentei is Amey ku.”

Juan 8:26

Mezakel pa pezem,” ke si Jesus, “is menge lalag ku keniyu mehitenged te menge ulaula niw wey niw mesavut he mezaat is menge vaal niw, iyan, iyan dà ibpesavut ku zè pa te menusiyà is nezineg ku ziyà te midsug̵ù kedì, ne egkeserig̵an is menge lalag din.”

Juan 8:42

Ne migkag̵i kandan si Jesus te, “Angin pezem ke amey niw is Megbevayà su mahal a g̵eina ziyan te g̵ehinawa niw su te kedhendini ku, diyà a ebpuun te kandin. Kenà kediey zà he suat is kedhendini ku, kekenà, midsug̵ù e zin.

Juan 9:29

Netuenan dey he zengan midlelag̵an si Moises te Megbevayà, iyan, heini he etew, wazè dey hanew ke hendei sikandin ebpuun.”

Nengeulaula 17:23

Su te kedrig̵urig̵u ku kayi te inged niw nengeehè ku is menge ed-ezapen niw. Ne zuen daan sevaha he pemuhatà he neehè ku he insurat dutun is lalag he edhenduen te, ‘Kayi ed-ezapa is Megbevayà he Wazè Pa Metueni.’ Ne sikan is Megbevayà he ed-ezapen niw minsan wazè niw pa metueni, iyan heini is ibpesavut ku en keniyu.

Ruma 1:28

Ne g̵eina te egkeg̵iyen dan he wazè en pulus te kedtuuwi te Megbevayà, mid-iniyug̵an sikandan te Megbevayà ne tenged kayi iyan ebayàbayà kandan is kelelalung he netag̵ù diyà te isip dan ne ed-ul-ulahan dan is kenà hustu.

Ruma 3:4

Su minsan ke teruen is tivuuk he menusiyà, tutuu mulà is minsan hengkey he egkeg̵iyen te Megbevayà. Su zuen insurat dengan he lalag ni Hadì David te kedtistig̵usi zin te ketazeng te Megbevayà he edhenduen te, “Kenà egkehimu he kenà hustu is kenikew he ketezengan, su ke idsumbung ka, layun ebpekezaag is kenikew he ketezengan,” ke si David.

2 Kurintu 1:18

Emun tutuu is egkeg̵iyen te Megbevayà, ne tutuu zaan heini is egkeg̵iyen ku. Su is neseled diyà te g̵ehinawa ku ne kinahanglan he edtumanen ku.

2 Kurintu 4:6

Su zutun te kedlimbag̵a te Megbevayà te langun migkag̵i sikandin te, “Maawà is kerusireman ne mehimu is kerayag.” Ne iyan daan sikandin kes midtayew te isip dey su wey zey mesavut ke hengkey is gehem te Megbevayà he impezayag pinaag̵i ki Jesu Kristu.

Hibriyuhanen 6:18

Ne zuen dezuwa he ulaula te Megbevayà he kenà egkehalin te minsan hentei. Is sevaha, ne iyan is penaad din, ne is sevaha, ne iyan is kedlig-eni zin te penaad din. Ne pinaag̵i kayi te zezuwa egkesavut ta he kenà egkehimu he kenè din edtumanen is penaad din. Ne tenged kayi, sikitew is nemekeaput diyà te kandin, utew meheg̵et is kedsarig tew kandin ne tenged kayi edhemenan tew is kebpeebuta tew te langun he meupiya he impenaad din kenitew.

1 Juan 5:10

Is minsan hentei he edtuu he Anak te Megbevayà si Jesus, nevenaran sikandin te kebpenistig̵us te Megbevayà. Is minsan hentei he kenà edtuu te kebpenistig̵us te Megbevayà, ed-isipen din he teruen is Megbevayà su wazè din tuuwi is kebpenistig̵us te Megbevayà mehitenged te Anak din he si Jesus.