Juan 7:24 - Manobo Western Bukidnon

²⁴ Kenè niw isipa he mezaat is ulaula te etew emun wazè niw pa mesusi, kekenà, susiya niw is ulaula zin su wey niw metueni is hustu.”

Juan 7:24 Cross References

Juan 7:25

Ne is duma te menge etew zutun te inged he Hiruselim, hein nezineg dan haazà is migkag̵i ni Jesus, migkag̵i sikandan te, “Kenè be iyan heini sikan is etew he ebpen-ahaan te menge punuan wey zan mehimetayi?

Juan 8:15

Emun edsusi kew te ulaula te etew, kenà egkeserig̵an is kedhukum niw, su pinaag̵i te kelibutanen dà he isip is kedhukum niw. Siak, kenà a edhukum te minsan hentei.

2 Kurintu 10:7

Purungi niw isipa is nesavut niw en su zuen menge zuma niw he kunaan dan ke iyan dan dà menge hustu he sulug̵uen ni Kristu. Kinahanglan he mesavut dan he sikami, hustu key zaan he menge sulug̵uen ni Kristu.

Santiago 2:1

Menge suled, geina te menge tumutuu ki ki Jesu Kristu, is mekeg̵eg̵ehem he Nengazen, kinahanglan he pedrerepenga ta is kedtehuza ta te langun he menge etew.

Santiago 2:4

Kenè be mezaat heeyan he ulaula su kenè niw ebpedrerepengen is kedtahud niw te menge zuma niw he tumutuu su kunaan niw ke hustu ke ebmahalen ta is sepian ne kenà is egkeayuayu.

Santiago 2:9

Iyan, emun duen niw ibpelavi, ebpekesalè kew. Ne sumalà is impenurù dutun te kesug̵uan te Megbevayà he imbilinbilin ni Moises, mesinupaken kew.