Juan 6:7 - Manobo Western Bukidnon

⁷ Ne midtavak si Felipe te, “Minsan ke utew zekelà is egestuwen tew he selapì, minsan dezuwa he g̵atus he dinaryu, ne ebeg̵ayan tew is kada sevaha te minsan sengepindut dà he egkeenen, kenè pa ebpeketukid.”

Juan 6:7 Cross References

Mateo 18:28

Ne zutun mid-awà haazà is sulug̵uen ne neuma zin is sulug̵uen daan dutun te hadì he utangan diyà te kandin haazà is iring din he sulug̵uen te pira zà he pisus. Ne migewezan din haazà ne mibpekel zin te egkag̵i te, ‘Beyazi nu kes utang nu kedì!’

Marcos 6:37

Iyan, migkag̵i si Jesus te, “Iyan kew mebeg̵ey te egkekaan dan.” “Es!” ke sikandan, “minsan pa ke utew zekelà is selapì tew, minsan dezuwa he g̵atus he vuuk he selapì he dinaryu ne kenè pa ereg he ibpemasa te egkekaan kayi te utew mezakel he menge etew.”

Juan 1:43

Ne hein mid-ilis he andew zutun neisip ni Jesus he edhendiyà te prubinsya he Geliliya. Mibeyaan din si Felipe ne ke sikandin te, “Duma ka kedì.”

Juan 1:44

TigBitsayda si Felipe, ne is inged he Bitsayda, iyan daan ed-ubpaan ni Andres wey ni Pedro.

Juan 1:45

Ne si Felipe, mibeyaan din si Natanael, ne ke sikandin te, “Neehè dey en kes etew he netagnà dengan te ebpemeneuven wey netagnà ni Moises dutun te insurat din diyà te libru he kesug̵uan. TigNeserit sikandin he si Jesus he anak ni Jose.”

Juan 1:46

Ne zutun migkag̵i si Natanael te, “Duen be etew he zuen din pulus he tigNeserit?” Ne ke si Felipe te, “Edhendiyè ki wey nu maahà.”

Juan 1:48

Ne ke si Natanael te, “Maan is egkekilala a kenikew?” Ne ke si Jesus te, “Te wazè ke pa beyai ni Felipe, neehè ku sikew is diyà te sihung te kayu he igira.”

Juan 12:5

“Es, Es! Pira vuwa he g̵atus is bali kayi? Deyzey ke imbelegyà heeyan is agwa wey ikeveg̵ey is halin din diyà te menge egkengeayuayu.”