Juan 6:30 - Manobo Western Bukidnon

³⁰ Ne zutun migkeg̵iyan dan en maan te, “Hengkey is egkein-inuwan he igkepeehè nu kenami wey key meketuu kenikew?

Juan 6:30 Cross References

Marcos 15:32

Sikew is uvag Kristu he hadì dey te menge Hudiyu, penaug ke en keniyan te krus ne edtuuwan dey sikew!” Ne sikan daan is dezuwa he inransang diyà te pesikilizè din, ne midsumpalit dan daan kandin.

Marcos 8:11

Ne hein nekeuma zan en, midhendiyà te ki Jesus is menge Perisiyu ne mibpekidlewanè dan kandin. Migkeg̵iyan dan sikandin he mebpaahà sikandin te singyal he egkein-inuwan he tuus he sug̵ù sikandin te Megbevayà. Umba migkag̵i zan haazà su egezaman dan sikandin.

Juan 10:38

Ne emun iyan ebeelan ku is ebeelan daan te Amey ku, minsan ke kenè kew edtuu te menge lalag ku, tuu kew te ibpesavut te menge vaal ku su wey niw metueni he sevaha key zà, siak wey is Amey ku, su zini sikandin te kedì ne ziyà a zaan te kandin.”

Juan 12:37

Minsan pa te mezakel is nengeehè dan he menge egkein-inuwan he mibeelan din, wazè dan sikandin tuuwi.

Juan 2:18

Ne zutun mid-insaan si Jesus te menge punuan te menge Hudiyu, ke sikandan te, “Duen be egkein-inuwan he igkepeehè nu wey key meketuu he mibeg̵ayan ka te Megbevayà te keg̵ehem he ibpaawè nu heini is menge etew puun kayi te valey zin?”

Juan 6:14

Ne hein naahà te menge etew is egkein-inuwan he nehimu ni Jesus migkag̵i zan te, “Tutuu ves iyan he iyan en heini sikan is netagnà he ebpeneuven te Megbevayà he ibpehendini zin te kelibutan!”

Juan 6:2

Ne zuen utew mezakel he menge etew he ebpemenduma kandin su nengeehè dan is menge egkein-inuwan he mibeelan din te kebewii zin te menge egkengezeruwan.

Juan 6:36

Iring te migkag̵i ku en keniyu he minsan te neehè niw en is menge egkein-inuwan he nehimu ku, kenè kew edtuu kediey.

Nengeulaula 4:30

Ipelepew nu is gehem nu su wey zey meulii is egkengezeruwan, wey zuen daan menge egkein-inuwan wey singyal he igkepeehè dey pinaag̵i te g̵ehem te ngazan ni Jesus he pinilì nu he sulug̵uen nu.”

1 Kurintu 1:22

Is menge etew he Hudiyu, kenè dan edtuu ke kenè dan egkeahà is menge egkengein-inuwan he tuus te g̵ehem te Megbevayà. Is menge etew he Gerisyahanen, iyan edserig̵an dan is metau he ed-isip.

Hibriyuhanen 2:4

Ne is Megbevayà, midtistig̵usan din daan haazà is impenurù dan su mibeg̵ayan din sikandan te g̵ehem wey zan ikepaahà is menge singyal, wey menge egkein-inuwan he kenà ed-iring-iring. Ne zuen daan menge ketau he imbeg̵ey zin diyà te menge tumutuu pinaag̵i te ked-ulini kandan te Wag̵as he Mulin-ulin sumalà is egkesuatan din he ebeg̵ayan.