Juan 6:26 - Manobo Western Bukidnon

²⁶ Ne midtavak si Jesus te, “Benar is egkeg̵iyen ku keniyu he, umba ebpen-ahaan a keniyu kenà tenged te tutuu is kedsavut niw te menge egkein-inuwan he nengeehè niw, kekenà, tenged te nengehantey is getek niw te supas he nekaan niw g̵evii.

Juan 6:26 Cross References

Juan 3:3

Ne midtavak si Jesus te, “Benar is egkeg̵iyen ku kenikew he wey zà ebpekeragkes is etew ziyà te menge etew he edhedian te Megbevayà ke ebpaanak sikandin ebpeuman.”

Juan 3:5

Ne ke si Jesus te, “Utew venar is egkeg̵iyen ku kenikew he wey zà ebpekeragkes is etew ziyà te menge etew he edhedian te Megbevayà ke id-anak sikandin pinaag̵i te wahig wey pinaag̵i te g̵ehem te Wag̵as he Mulin-ulin.

Juan 6:14

Ne hein naahà te menge etew is egkein-inuwan he nehimu ni Jesus migkag̵i zan te, “Tutuu ves iyan he iyan en heini sikan is netagnà he ebpeneuven te Megbevayà he ibpehendini zin te kelibutan!”

Juan 6:15

Ne si Jesus, geina te netuenan din he ebeyaan dan sikandin su edteg̵elen dan sikandin edhimuwa he hadì dan, mid-awà dutun te sebsevaha zin ne midtekezeg diyà te vuvungan.

Juan 6:2

Ne zuen utew mezakel he menge etew he ebpemenduma kandin su nengeehè dan is menge egkein-inuwan he mibeelan din te kebewii zin te menge egkengezeruwan.

Juan 6:24

Ne hein netuenan te menge etew he wazè en dutun si Jesus wey is menge sumusundan din, nemen-untud dan dutun te menge avang su ebpen-ahaan dan si Jesus diyà te inged he Kepirnaum.

Juan 6:30

Ne zutun migkeg̵iyan dan en maan te, “Hengkey is egkein-inuwan he igkepeehè nu kenami wey key meketuu kenikew?

Juan 6:36

Iring te migkag̵i ku en keniyu he minsan te neehè niw en is menge egkein-inuwan he nehimu ku, kenè kew edtuu kediey.

Juan 6:47

Utew venar is egkeg̵iyen ku he is etew he edtuu kediey, naangken din en is untung he wazà pidtemanan.

Juan 6:53

Ne migkag̵i si Jesus te, “Utew venar is egkeg̵iyen ku keniyu, siak is Kakey te Menusiyà, emun kenè kew egkaan te lawa ku wey emun kenè kew ed-inum te lengesa ku, wazè niw untung he wazà pidtemanan.

Juan 6:64

Duen duma keniyu he wazà medtuu kediey,” ke si Jesus. (Umba migkag̵i zin haazà su netuenan din he zaan ke hentei is wazà medtuu, ne netuenan din daan ke hentei is ed-akal kandin.)

Ruma 16:18

Su is menge etew he ed-ulaula te iring kayi, kenè dan edtumanen is sug̵ù te Nengazen tew he si Kristu, kekenà, iyan dan edtumanen is kandan he menge suat. Pinaag̵i te ketau zan te kegkag̵i wey pinaag̵i te mekempet he egkeg̵iyen dan, egkeekalan dan is isip te menge paglung he etew.

Pilipus 2:21

Is duma, ne iyan dà egkeisip dan is kandan dà he egkesuatan, ne kenà iyan is egkesuatan ni Jesu Kristu.

Pilipus 3:19

Siguradu egkeimpirnu sikandan su iyan ebayàbayà kandan is menge mezaat he kebayà te lawa zan. Ibmeupiya te g̵ehinawa zan is menge mezaat he ulaula, iyan, meupiya pezem ke igkeeled dan; ne iyan dan dà egkeisip is menge vutang he zini te kelibutan.

1 Timoteo 6:5

wey is kebpekidsemukà. Ulaula heini te menge etew he nelalung en is isip dan wey kenè dan en edewaten is tutuu he tuluuwen. Kunaan dan ke petig̵ayun is kebpesakup te Megbevayà.