Juan 5:7 - Manobo Western Bukidnon

⁷ Ne midtavak haazà is etew te, “Datù, wazà duma ku he ebpekeagbur kedì keniyan te wahig emun egurig̵awen en ne layun a egkehunai te zuma te kenè e pa ebpekeagbur.”

Juan 5:7 Cross References

Juan 5:2

Ne ziyà te Hiruselim duen linew uvey te idselang te kutà he egngezanan te Idselang te Menge Ayam he Kerehidu. Ne ziyà te kilid dutun te linew, duen lelima he helungà. Ne haazà is linew, egngezanan te Bitsata te kineg̵iyan he Hibriyuhanen.

Juan 5:3

Mezakel is egkengezeruwan he zutun dan en ebpemen-ubpàubpà te menge helungà. Menge lakap, menge piang, wey menge minatey is divaluy he lawa, ne zutun edteg̵azan dan is kegurig̵awa zutun te wahig

Juan 5:4

su zuen timpu he zuen kun belinsug̵uen te Megbevayà he ebpenaug dutun te linew ne egurig̵awen din haazà is wahig. Ne zutun, is egkehuna he etew he ebpekeagbur zutun te wahig, egkeulian sikandin te minsan hengkey he zaru zin.

Juan 5:6

Naahà sikandin ni Jesus is dutun edhidhizeg̵à ne netuenan ni Jesus he neug̵et en haazà is daru zin. Ne mid-insaan ni Jesus te, “Mama, egkesuat ke ve he meulii ka?”

Ruma 5:6

Isipa nu is gag̵ew kenita te Megbevayà. Su zutun te timpu he intelaan te Megbevayà, hein wazà minsan hengkey he egkeulaula ta he ebpekehimu he melibri ki te silut, mibpehimatey si Kristu he elili kenita te mesinupaken.

1 Kurintu 9:24

Netuenan niw he ke zuen lumbaan ne mezakel is ebpekibanggà, iyan, sevaha zà is ebpekezaag ne iyan edsuhulan. Ne sikiyu is tumutuu ki Jesus, iringi niw is edlumbà su wey kew mesuhuli keuzemà te Megbevayà.