Juan 5:43 - Manobo Western Bukidnon

⁴³ Midsug̵ù a zini te Amey ku he Megbevayà, ne egemiten ku is gehem din ne minsan pa kayi kenà a keniyu edewaten. Ke zuen selakew he ebpekeuma ne kandin dà he g̵ehem is egemiten din, ne edewaten niw mulà.

Juan 5:43 Cross References

Mateo 24:24

Su zuen ebpemenlepew he menge teruen. Ne egkag̵i is kada sevaha kandan te, ‘Iyan a sikan is hadì,’ ne emun kenà, ne ke sikandin te, ‘Ebpeneuven a te Megbevayà.’ Ne ebpemeehè dan te egkein-inuwan wey menge singyal su ibpetuu zan pezem te menge tarù dan, ke egkehimu, is menge pinilì te Megbevayà.

Mateo 24:5

Su mezakel is ebpenlepew he egamit te ngazan ku ne egkag̵i is kada sevaha zutun he iyan sikandin sikan is mibpilì te Megbevayà he ibpahadì! Ne mezakel is ebpeketuu te menge tarù dan.

Juan 10:25

Ne midtavak si Jesus te, “Migkag̵ì ku en keniyu ne wazè niw tuuwi. Is menge egkein-inuwan he midhimu ku he iyan insug̵ù te Amey ku he Megbevayà, iyan tuus ke hentei a.

Juan 12:28

Ne zutun migkeg̵iyan ni Jesus is Amey zin he Megbevayà, ke sikandin te, “Amà, himuwa nu he mevantug ka te menge etew.” Ne zutun duen lalag he ebpuun te langit he egkag̵i te, “Midhimu ku en, ne ed-umanan ku edhimuwa.”

Juan 3:16

Utew mahal ziyà te g̵ehinawa te Megbevayà is tivuuk he menusiyà, ne tenged kayi minsan sikan is budtung he Anak din wazè din menug̵uni, kekenà, impehendini zin su wey is langun he edtuu kandin, kenà mesiluti is gimukud dan, kekenà, meveg̵ayi sikandan te untung he wazà pidtemanan.

Juan 5:42

su nesayud a keniyu; kenà mahal is Megbevayà diyà te g̵ehinawa niw.

Juan 6:38

Iyan igkeg̵iya ku kayi keniyu su midhendini a he ebpuun te langit wey ku metuman is egkesuatan te Megbevayà he midsug̵ù kediey; kenè ku iyan edtumanen is kediey zà he egkesuatan.

Nengeulaula 21:38

Kenè ke ve iyan kes tig-Ihiptu he malù en neug̵et guntaan he midsukul te gubirnu ne mibpengulu te heepat he libu he menge tulisan diyà te tanà he kenà ed-ubpaan te etew?”