Juan 5:35 - Manobo Western Bukidnon

³⁵ Su si Juan, iring sikandin te sulù he merayag is sig̵a zin, ne meg̵aan dà utew is kelipey niw te kedteyawi zin keniyu, he ke và dà egkeg̵iya, seled te meg̵aan dà utew kew nesuat te penurù din he tutuu.

Juan 5:35 Cross References

Mateo 11:11

Ne mid-uman megkag̵i si Jesus te, “Tentenuzi niw he si Juan Megbebewtismu, wazè pa etew he nekelavew kandin, iyan, ke edhadì keuzemà is Megbevayà he ziyà te langit, is minsan hentei he etew zutun he ebpezumazuma te Megbevayà, minsan utew minus is pid-etawan din, ne lavew pa kenà si Juan guntaan.

Mateo 21:26

Ne emun egkeg̵iyen ta he etew zà, ebpemiligru ki te menge etew su midtuu zan he ebpeneuven si Juan te Megbevayà.”

Marcos 1:5

Ne zutun, mezakel he menge etew is midangep kandin he ebpemuun diyà te menge inged te tivuuk he prubinsya he Hudiya wey minsan is menge etew he ebpemuun diyà te inged he Hiruselim. Ne haazà he menge etew, intangdù dan is menge salè dan ne mibewtismuwan sikandan ni Juan diyà te wahig he Hurdan.

Marcos 6:20

Ne si Hadì Hirudis, egkehandek sikandin ki Juan su netuenan din he metazeng he etew si Juan he ed-ulinan te Megbevayà. Umba wazè din itug̵ut he mehimetayi. Egkesuatan ni Hirudis te ebpemineg is kebpenurù ni Juan, iyan, ingkeliveg din haazà is penurù.

Lucas 7:28

“Tentenuzi niw he si Juan Megbebewtismu, wazà minsan hentei he etew te minsan keenu he timpu he nekelavew kandin, iyan, ke edhadì keuzemà is Megbevayà, is minsan hentei he etew zutun he edhedian te Megbevayà, minsan utew minus is pid-etawan din, lavew pa sikandin kenà si Juan guntaan.”

Juan 6:66

Ne puun dutun mezakel is menge sumusundan he midsuwey kandin ne wazè en sikandan mebpekiduma kandin.

2 Pedro 1:19

Ne utew zutun neheg̵et is kedtuu zey te nengetagnà dengan te ebpemeneuven te Megbevayà mehitenged ki Jesus ne kinahanglan he purungi niw zaan tuuwi. Su is impenurù dan, ne iring te sulù he ebpenganlag diyà te merusirem taman te kenè pa egkeriwaswas. Ne emun egkeriwaswas en, egketeyawan kiw te mekevugwas, he ke và dà egkeg̵iya egkeuma is kegketuman te kedlikù ni Jesus.