Juan 5:24 - Manobo Western Bukidnon

²⁴ Utew venar is egkeg̵iyen ku he is minsan hentei he ebpemineg te menge lalag ku ne edtuu te Megbevayà he midsug̵ù kediey zini, iyan ebpekeangken te untung he wazà pidtemanan. Kenà sikandin keuzemà edsilutan su nekelikey en te kemetayen is gimukud din wey naangken din en is untung he wazà pidtemanan.

Juan 5:24 Cross References

Mateo 25:46

Ne heini he menge etew,” ke si Jesus, “id-awà kayi su edsilutan sikandan te silut he wazè din pidtemanan; iyan, is menge metazeng mulà, ebeg̵ayan sikandan te untung he wazè din pidtemanan.”

Marcos 16:16

Ne sikan is edtuu kayi wey ebpebewtismu, ebeg̵ayan te untung he wazà pidtemanan. Ne sikan is kenà edtuu ne edhukuman te silut.

Juan 11:26

Su is etew he edtuu kedì, duen din untung he wazà pidtemanan ne kenè en ebpatey is gimukud din. Bayi, edtuu ke ve kayi?”

Juan 12:44

Ne zutun mibpekezag̵ing megkag̵i si Jesus te, “Is edtuu kedì, kenà iyan e zà egketuuwan din, kekenà, egketuuwan din daan is Megbevayà he midsugù kedì.

Juan 20:31

Ne iyan insurata ku kayi te menge egkein-inuwan su wey kew meketuu he iyan si Jesus Anak te Megbevayà wey sikan is mibpilì te Megbevayà he ibpahadì, ne emun edtuu kew kandin ebeg̵ayan kew te untung he wazà pidtemanan.)

Juan 3:16

Utew mahal ziyà te g̵ehinawa te Megbevayà is tivuuk he menusiyà, ne tenged kayi minsan sikan is budtung he Anak din wazè din menug̵uni, kekenà, impehendini zin su wey is langun he edtuu kandin, kenà mesiluti is gimukud dan, kekenà, meveg̵ayi sikandan te untung he wazà pidtemanan.

Juan 3:18

Is minsan hentei he edtuu kedì kenè en sikandin edsilutan te Megbevayà, iyan, is kenà edtuu kediey, netuenan en he zaan he edsilutan sikandin su siak is budtung he Anak te Megbevayà, wazè e zin tuuwi.

Juan 3:36

Is minsan hentei he edtuu te Anak te Megbevayà, ebeg̵ayan sikandin te untung he wazà pidtemanan; is minsan hentei he kenà ebpemineg te menge sug̵ù te Anak te Megbevayà, kenà egkeveg̵ayan te untung he wazà pidtemanan, kekenà, wazà pidtemanan te kegkepeuki kandin te Megbevayà.

Juan 4:36

Ne sikan is edrag̵un, he ke và dà egkeg̵iya, is ebpesavut kandan wey zan meketuu kedì, duen suhul kandin te Megbevayà, ne sikan is menge etew he nerag̵un din, ebeg̵ayan te untung he wazà pidtemanan. Ne tenged dutun is ebpemula te Lalag te Megbevayà wey is edrag̵un te veg̵as te Lalag te Megbevayà, pudu zan egkelipey.

Juan 6:40

Is langun he nesayud ke hentei a is anak din, ne edtuu kediey, egkesuatan te Amey ku he meveg̵ayi te untung he wazà pidtemanan ne ebenhawen ku keuzemà dutun te ketepusan he andew.”

Juan 6:47

Utew venar is egkeg̵iyen ku he is etew he edtuu kediey, naangken din en is untung he wazà pidtemanan.

Juan 6:50

iyan, heini is egkeenen he ebpuun te langit, emun egkeenen heini te minsan hentei, duen din untung he wazà pidtemanan.

Juan 6:51

Iyan a egkeenen he ebpuun te langit wey ebpekeveg̵ey te untung; ne ke zuen egkaan kediey kenè en ebpatey is gimukud din. Is egkeenen he ibeg̵ey ku, iyan is lawa ku. Ibeg̵ey ku heini su wey maangken te tivuk he menusiyà is untung he wazà pidtemanan,” ke si Jesus.

Juan 6:58

Heini is egkeenen he egkeg̵iyen ku, ne ziyà ebpuun te langit. Kenà iring te egkeenen he mana he migkaan te menge kepuun tew su nemematey zan gihapun; iyan, is minsan hentei he egkaan kayi te egkeenen he egkeg̵iyen ku, kenè en ebpatey is gimukud din te minsan keenu.”

Juan 8:51

Utew venar is egkeg̵iyen ku keniyu he is minsan hentei he edtuman te ibpenurù ku kandin, kenè en ebpekeag̵i te kemetayen!”

Ruma 8:1

Ne sikita is nekidsevaha ki Jesu Kristu, kenè ki en egkehukuman te silut.

1 Tiselunika 5:9

Su is Megbevayà, wazè din ivanglis kenitew is silut, kekenà, midluwas kiw zin pinaag̵i te Nengazen tew he si Jesu Kristu.

1 Pedro 1:21

Pinaag̵i kandin neketuu kiw te Megbevayà. Mibanhew sikandin te Megbevayà ne midhimu zin sikandin he utew lavew. Ne tenged kayi iyan edserig̵an tew g̵untaan is Megbevayà ne ebpekeperateng kiw he edhimuwen kiw zin daan he utew lavew.

1 Pedro 1:5

Kenitew en haazà is integ̵ana zin. Tenged te nekesarig kiw kandin, nelig-enan kiw te g̵ehem te Megbevayà te kemulu kiw pa edtag̵ad te kedtulusa zin kenitew keuzemà te ketepusan he timpu.

1 Juan 3:14

Netuenan tew he zengan iyan egkeperateng tew is kemetayen he wazà pidtemanan. Ne netuenan tew zaan he g̵untaan duen tew en untung he wazà pidtemanan. Umba netuenan tew heini su utew en mahal zini te g̵ehinawa tew is menge zuma tew. Is minsan hentei he kenà mahal ziyà te g̵ehinawa zin is menge zuma zin, kemulu pa sikandin ebpekeperateng te kemetayen he wazà pidtemanan.

1 Juan 5:1

Anak en te Megbevayà is minsan hentei he edtuu he iyan si Jesus mibpilì te Megbevayà he ibpahadì. Ne emun ebmahalen din diyà te g̵ehinawa zin is Amey tew he Megbevayà ebmahalen din daan is menge zuma zin he anak te Megbevayà.