Juan 5:11 - Manobo Western Bukidnon

¹¹ Ne midtavak haazà is etew te, “Sikan is mibawì kediey, migkeg̵iyan e zin he luluna ku is ikam ku wey medhiphipanew a.”

Juan 5:11 Cross References

Juan 5:10

Umba, haazà is etew he neulian, nepeukan sikandin te menge punuan he Hudiyu; ke sikandan te, “Iyan heini Andew te Kedhimeley ne ebpekesupak ka te kesug̵uan tew ke ed-uwiten nu heeyan is ikam.”

Juan 5:12

Ne in-insè dan te, “Hentei he etew is migkag̵i kenikew he luluna nu is ikam nu wey medhiphipanew ka?”

Juan 9:12

Ne mid-insà is menge etew te, “Hendei sikandin?” Ne midtavak haazà is etew te, “Wazè ku metueni.”

Juan 9:16

Ne zutun migkag̵i is duma zutun te menge Perisiyu, ke sikandan te, “Heini si Jesus, kenà iyan sikandin sug̵ù te Megbevayà su edsupaken din layun is kesug̵uan mehitenged te Andew te Kedhimeley.” Iyan, migkag̵i zaan is duma pa he menge Perisiyu te, “Emun mesinupaken he etew, kenè din egkehimu is menge egkein-inuwan he iring kayi!” Ne zutun kenè dan egkengeuyun.