Juan 4:48 - Manobo Western Bukidnon

⁴⁸ Ne migkeg̵iyan ni Jesus haazà is etew te, “Kenè kew ves ebpeketuu kediey emun kenè kew ebpekeahà te menge egkengein-inuwan wey menge singyal.”

Juan 4:48 Cross References

Mateo 16:1

Duen menge Perisiyu wey Sedusiyu he midhendiyà te ki Jesus su egezamen dan sikandin. Umba mid-insaan dan, ke sikandan te, “Ipeehè key te singyal he tuus he sug̵ù ka te Megbevayà.”

Mateo 24:24

Su zuen ebpemenlepew he menge teruen. Ne egkag̵i is kada sevaha kandan te, ‘Iyan a sikan is hadì,’ ne emun kenà, ne ke sikandin te, ‘Ebpeneuven a te Megbevayà.’ Ne ebpemeehè dan te egkein-inuwan wey menge singyal su ibpetuu zan pezem te menge tarù dan, ke egkehimu, is menge pinilì te Megbevayà.

Mateo 27:42

ke sikandan te, “Nelibri zin is duma, iyan, is keugelingen din, kenè din egkelibri. Hadì bes sikandin te menge tig-Israyil. Ipepenaug keniyan te krus ne egkesundanan human.

Marcos 13:22

Su ebpenlepew is teruen he etew he egkeg̵iyen dan he iyan sikandan sikan is hadì he mibpilì te Megbevayà wey ke egkeg̵iyen dan be he ebpeneuven sikandan te Megbevayà. Ne ebpemeehè dan te egkengein-inuwan wey menge singyal su ibpetuu zan pezem te menge tarù dan, ke egkehimu, is menge pinilì te Megbevayà.

Lucas 10:18

Ne zutun migkeg̵iyan sikandan ni Jesus te, “Si Setanas, is egalen te menge mezaat he mulin-ulin, neehè ku is kegkezaag̵a niw kandin ne utew meg̵aan su iring te kilat he ebpuun te langit.

Lucas 16:31

Ne migkag̵i zutun si Abraham te, ‘Emun kenè dan ebpemineg̵en is menge surat ni Moises wey te ebpemeneuven te Megbevayà dengan, kenè dan daan ebpemineg minsan ke zuen egkevanhew he minatey he edhendiyà te kandan.’ ”

Juan 12:37

Minsan pa te mezakel is nengeehè dan he menge egkein-inuwan he mibeelan din, wazè dan sikandin tuuwi.

Juan 15:24

Duen mibeelan ku he neehè dan he menge egkein-inuwan he kenà egkeveelan te minsan hentei he menusiyà. Angin ke wazè dan maahà heini su kenà sikandan egkevesulan tenged te mezaat he mid-ulaula zan kedì. Iyan, neehè dan en ne minsan pa zutun, siak wey is Amey ku, egkuntedahan key zan.

Juan 2:18

Ne zutun mid-insaan si Jesus te menge punuan te menge Hudiyu, ke sikandan te, “Duen be egkein-inuwan he igkepeehè nu wey key meketuu he mibeg̵ayan ka te Megbevayà te keg̵ehem he ibpaawè nu heini is menge etew puun kayi te valey zin?”

Juan 20:29

Ne migkag̵i kandin si Jesus te, “Midtuu ke ve tenged dà te naahà a kenikew? Utew zeyzey sikandan is minsan wazà kedì mekeahà, iyan, edtuuwan e zan.”

Juan 4:49

Ne zutun migkag̵i haazà is etew te, “Datù, duma ka kediey su wey kenà mebpatey is anak ku.”

Nengeulaula 14:3

Ne malù netegteg̵aad is ked-ubpà te menge epustul, si Pablo wey si Bernabe, dutun te Ikunya. Wazè dan ikehandek is kedsengyawa zan te keag̵i te Nengazen. Ne midtuvazan sikandan te Nengazen su mibeg̵ayan din sikandan te g̵ehem wey zan ikepaahà is menge singyal wey egkein-inuwan he iyan timaan he tutuu is impenudtul zan he g̵ag̵ew te Nengazen.

Nengeulaula 15:12

Ne zutun, wazè en midtavak; ne mibpemineg dan is tudtul ni Bernabe wey si Pablo te langun he egkengein-inuwan he mibeelan te Megbevayà pinaag̵i kandan hein diyè dan te kenà menge Hudiyu.

Nengeulaula 2:19

Ne zuen menge egkengein-inuwan he singyal he ibpeehè ku ziyà te langit wey ziyan daan te lumpad. Egkeahà is lengesa wey hapuy wey zekelà he evel.

Nengeulaula 2:22

Ne mid-uman megkag̵i si Pedro te, “Sikiyu is menge zuma ku he kevuwazan ni Israyil, pemineg̵a niw is egkeg̵iyen ku. Si Jesus, kes tigNeserit, sug̵ù sikandin te Megbevayà. Impesavut kenitew te Megbevayà he sug̵ù din si Jesus pinaag̵i te g̵ehem din wey menge egkein-inuwan wey menge singyal he mibpeveelan kandin te Megbevayà. Netuenan niw en heini is egkeg̵iyen ku su neulaula heini is langun dini te inged niw.

Nengeulaula 2:43

Mezakel is menge egkein-inuwan wey singyal he nehimu pinaag̵i te menge epustul, umba neteg̵uan is menge etew te kegkehandek te Megbevayà.

Nengeulaula 4:30

Ipelepew nu is gehem nu su wey zey meulii is egkengezeruwan, wey zuen daan menge egkein-inuwan wey singyal he igkepeehè dey pinaag̵i te g̵ehem te ngazan ni Jesus he pinilì nu he sulug̵uen nu.”

Nengeulaula 5:12

Ne is menge epustul, mezakel is menge singyal wey egkein-inuwan he impeehè dan te menge etew. Ne is langun he menge tumutuu, diyè dan layun egketig̵um te egngezanan te Helungà ni Hadì Sulumun.

Nengeulaula 6:8

Ne si Esteban, midtuvazan sikandin te Megbevayà ne zekelà is gehem din. Mezakel is menge egkein-inuwan wey menge singyal he ingkepeehè din diyà te menge etew.

Nengeulaula 7:36

Ne mid-uwit ni Moises is menge kepuun tew ne mid-awè dan diyà te Ihiptu. Ne zutun te wazè dan pa med-awà diyà te Ihiptu, duen menge egkengein-inuwan wey menge singyal he impeehè din. Ne ziyà te zag̵at he egngezanan te Merig̵à, wey ziyà daan te imbayè dan he tanà he wazà duen ed-ubpà he etew, impeehè din daan is iring dutun he menge vaal. Kepatan he tuig is ked-uwita ni Moises kandan diyà te tanà he wazà dutun ed-ubpà he etew.

Ruma 15:19

pinaag̵i te menge singyal wey egkein-inuwan wey pinaag̵i zaan te g̵ehem te Wag̵as he Mulin-ulin. Midhipanew a puun diyà te inged he Hiruselim pehendiyà te inged he Iliriku ne mibpurungan ku te ebpesavut is Meupiya he Tudtulanen te keag̵i ni Kristu.

1 Kurintu 1:22

Is menge etew he Hudiyu, kenè dan edtuu ke kenè dan egkeahà is menge egkengein-inuwan he tuus te g̵ehem te Megbevayà. Is menge etew he Gerisyahanen, iyan edserig̵an dan is metau he ed-isip.

2 Kurintu 12:12

Ne hein diyan a te keniyu impeehè ku keniyu he tutuu a he epustul ni Kristu su minsan nereg̵enan a, mid-antus a su wey ku ikepaahà is menge singyal wey menge egkengein-inuwan he iyan tuus te tutuu he epustul.

2 Tiselunika 2:9

Emun ebpeg̵awag̵awa keuzemà sikan is mesinupaken he etew egemiten din is gehem ni Setanas ne ibpeehè din is gehem din pinaag̵i te minsan hengkey he tarù he menge singyal wey egkein-inuwan.

Hibriyuhanen 2:4

Ne is Megbevayà, midtistig̵usan din daan haazà is impenurù dan su mibeg̵ayan din sikandan te g̵ehem wey zan ikepaahà is menge singyal, wey menge egkein-inuwan he kenà ed-iring-iring. Ne zuen daan menge ketau he imbeg̵ey zin diyà te menge tumutuu pinaag̵i te ked-ulini kandan te Wag̵as he Mulin-ulin sumalà is egkesuatan din he ebeg̵ayan.