Juan 4:43 - Manobo Western Bukidnon

⁴³ Ne hein netapus dutun is dezuwa he andew, mid-awà ensi Jesus ne midlaus dan diyà te prubinsya he Geliliya.

Juan 4:43 Cross References

Mateo 4:13

Nekeuma sikandin diyà te Neserit ne zutun diyà med-ulì te inged he Kepirnaum he ziyà te veyvey te ranew he Geliliya, he sakup te tanà he Sebulun wey Neptali.

Juan 1:42

Ne miduma zin si Simon ne midhendiyè dan te ki Jesus. Ne si Jesus, midtengtengan din si Simon. “Iyan ka si Simon he anak ni Juan. Egeraran ku sikew ki Sipas,” ke si Jesus. (Is gerar he Sipas ne iyan ded sikan is ngazan he Pedro. Ne is kehulug̵an kayi, ne vatu.)

Juan 4:40

Ne hein nemekeuma haazà is menge tigSemarya ziyà te ki Jesus, midhengyuan dan sikandin he kenà petuluy medlaus te kedhipanew zin. Umba mid-ubpà ensi Jesus dutun seled te zezuwa he andew.

Juan 4:44

Migkag̵i si Jesus te, “Is ebpeneuven te Megbevayà, kenà edtehuzen te menge etew ziyà te kandin he keugelingen he inged.”

Juan 4:46

Ne midlikù si Jesus diyà te inged he Kana he ziyà te Geliliya. Iyan haazà kes inged he impevaluy zin he vinu is wahig. Ne zuen dutun etew he zekelà is ketengdanan din diyà te hadì. Ne zuen anak din diyà te inged he Kepirnaum he egkezeruwan.

Ruma 15:8

Benar is egkeg̵iyen ku he si Kristu, nehimu sikandin he iring te sulug̵uen te menge Hudiyu su wey zin ikepaahà kandan he tutuu iyan he edtumanen te Megbevayà is menge penaad din dengan diyà te menge kepuun dan.