Juan 4:29 - Manobo Western Bukidnon

²⁹ “Hendiyè kiw en wey niw maahà is etew he neketagnà te langun he nengeveelan ku. Kela ke iyan sikandin sikan is mibpilì te Megbevayà he ibpahadì.”

Juan 4:29 Cross References

Mateo 12:23

Nengeinuinu is mezakel he menge etew zutun ne ke sikandan te, “Kela ke iyan sikandin kes netagnà he kevuwazan ni Hadì David.”

Juan 4:25

Ne zutun migkag̵i haazà is bahi te, “Netuenan ku he ebpekeuma keuzemà is mibpilì te Megbevayà wey mekehadì, sikan is migeraran ki Kristu. Ne emun ebpekeuma en, ibpesavut din kenitew is langun.”

Juan 4:28

Ne zutun intag̵ak te vahi is sekezu zin ne midlikù diyà te inged. Migkeg̵iyan din is menge etew, ke sikandin te,

Juan 4:30

Ne migenat dan su edhendiyè dan te ki Jesus.

Juan 4:39

Ne mezakel is menge tigSemarya zutun he nemeketuu ki Jesus tenged te migkag̵i zutun te vahi he ke sikandin te, “Netagnè din is langun he nengeulaula ku.”

Juan 7:26

Ahaa niw man! Ebpenurù ded sikandin te mezakel he menge etew! Kela ke tutuu iyan he netuenan te menge punuan tew he iyan sikandin sikan is netagnà he mibpilì te Megbevayà he ibpahadì su maan is kenè dan edewayen sikandin!

Juan 7:31

Duen mezakel he menge etew he nemeketuu he iyan si Jesus kes netagnà he hadì he mibpilì te Megbevayà. Ke sikandan te, “Iyan si Jesus sikan is hadì su wazà duma he ebpekevaal te lavew pa he menge egkein-inuwan duen te mibeelan din.”

Impezayag 22:17

Ne kes Wag̵as he Mulin-ulin wey kes egkeesawa te nati he kerehidu, ed-umew zan is egkag̵i te, “Tuu kew en.” Ne sikan is nekezineg kayi, ne kinahanglan he med-umew zaan he egkag̵i te, “Tuu kew en.” Is minsan hentei keniyu he egkemezahan, wey is minsan hentei he egkesuat, dewata zin en he wazà bayad is wahig he ebpekeveg̵ey te untung he wazà pidtemanan.