Juan 4:26 - Manobo Western Bukidnon

²⁶ Ne midtavak si Jesus te, “Siak is ebpekidlalag kenikew, iyan ad sikan is migeraran ki Kristu.”

Juan 4:26 Cross References

Mateo 16:20

Ne zutun mibpeketelteleenan ni Jesus is menge sumusundan din he kenè dan tudtula ziyà te minsan hentei he iyan sikandin sikan is mibpilì te Megbevayà he ibpahadì.

Mateo 20:15

Kenè be egkehimu he iyan a ebayàbayà te kediey he selapì? Egkesina kew ve kandan tenged te ketulanged ku?’ ”

Lucas 13:30

Duen guntaan menge etew he kunaan niw ke egkengehuziyan su kenà menge zuma niw he Hudiyu, iyan, emun egkeume en haazà he andew ne iyan sikandan egkehuna te langun he edhedian te Megbavayà. Ne zuen daan menge etew g̵untaan he kunaan niw ke egkengehuna, iyan, emun egkeume en haazà he andew ne iyan sikandan egkengehuziyan te langun.”

Juan 13:19

Umba,” ke si Jesus, “te kenè pa heini egkehitavù, egkeg̵iyen ku en keniyu he zaan su emun egketuman en, ebpeketuu kew he iyan a sikan is mibpilì te Megbevayà he ibpahadì.

Juan 8:24

Umba migkag̵i ku keniyu he ebpematey kew he kenà egkepeseylu is menge salè niw su tutuu iyan haazà emun kenè kew edtuu he iyan a sikan is mibpilì te Megbevayà he ibpahadì.”

Juan 8:28

Ne tenged dutun migkag̵i en maan si Jesus te, “Siak is Kakey te Menusiyà, dutun te kedrensanga niw kedì keuzemà diyà te kayu he ibpehitindeg, egketuenan niw human he iyan a sikan is mibpilì te Megbevayà he ibpahadì. Egketuenan niw zutun he is langun he mibeelan ku, impeveelan kedì te Amey ku he Megbevayà wey is ibpekag̵i zin kedì, iyan nekag̵i ku.