Juan 4:21 - Manobo Western Bukidnon

²¹ Ne migkag̵i si Jesus te, “Benar, Bayi, is egkeg̵iyen ku kenikew he egkeuma is timpu he kenè en maan dini zà te vuntud wey minsan diyà te Hiruselim ed-ezapa is Amey tew he Megbevayà.

Juan 4:21 Cross References

Mateo 18:20

Su ke zuen minsan dezuwa, ne emun kenà, ne tetelu, he egkevurun su ed-azap dan kediey, ne zutun a zaan te kandan.”

Mateo 28:19

Umba, penhipanew kew en diyà te minsan hendei wey niw metukid te ebpesavut is langun he menge etew ziyà te langun he menge inged. Ne penurua niw he medsundan dan kedì. Pemewtismuwi niw sikandan wey metueni he nekidsevaha zan te Amey tew he Megbevayà, wey siak is Anak din, wey is Wag̵as he Mulin-ulin.

Lucas 21:24

Su heini is menge Hudiyu, is duma kandan, ne egkepatey zutun te g̵ira, ne is samà, ne edekepen ne ed-uwiten diyà te menge meziyù he inged. Ne zutun, heini is Hiruselim he inged te menge Hudiyu, ne edtekutakan te menge etew he kenà menge Hudiyu taman te ebpengelinteuwan te Megbevayà he mekeengked dan.

Juan 14:6

Ne midtavak si Jesus te, “Iyan a sikan is ibayà; iyan a kes tutuu he edtuuwan; iyan a kes ebpuunan te untung he wazà pidtemanan. Wazà ebpekehendiyà te ed-ubpaan te Amey ku emun kenà a iyan ibayè din.

Juan 16:2

Su id-awè dan is ketenged niw te kedseled diyà te simbahan, ne kenà iyan dà heini su keuzemà ke zuen edhimatey keniyu, kunaan din ke igkesuat te Megbevayà haazà is mibeelan din.

Juan 16:32

Egkesipeg̵an en is timpu he zutun ebpekedsusuwey kew is langun; ed-ulì is kada sevaha keniyu ziyà te ed-ubpaan din ne egkeewaan a. Ne minsan pa zutun duen ku pa zuma su iyan duma ku is Amey ku he Megbevayà.

Juan 4:23

Duen ebperetengen he timpu ne netuman en guntaan he is menge etew he egkesuat he ed-azap te Amey tew he Megbevayà, ne kinahanglan he ezapa zan pinaag̵i te g̵ehem te Wag̵as he Mulin-ulin wey tutuu is ked-ezapa zan kandin. Iyan heini menge etew he edewaten te Megbevayà wey zan mekeazap kandin.

Juan 5:25

Utew venar is egkeg̵iyen ku keniyu he egkeuma is andew ne neume en guntaan he siak is Anak te Megbevayà, egkezineg te menge etew he wazè pa meveg̵ayi te untung is menge lalag ku kandan, ne haazà is ebpemineg, ebeg̵ayan ku te untung he wazà pidtemanan.

Juan 5:28

Kenà kew meinuinu kayi su egkeuma is andew keuzemà he zutun is langun he menge minatey, egkezineg dan is ked-umawa ku kandan

Nengeulaula 6:14

Su nezineg dey sikandin is egkag̵i he is simbahan tew he Valey te Megbevayà, edrundusen ni Jesus he tigNeserit ne ed-ilisan daan ni Jesus is langun he menge vetasan tew he imbilinbilin kenitew zengan ni Moises.”

Ipisu 2:18

Tenged te kebpekidsevaha tew ki Kristu, sikami is menge Hudiyu wey sikiyu is kenà menge Hudiyu, ebpekeuvey kiw en ziyà te Amey tew he Megbevayà pinaag̵i te kedtavang te Wag̵as he Mulin-ulin.

Ipisu 3:14

Ne tenged kayi te langun he intuvad kenitew te Megbevayà, edluhuzan ku te ed-ampù is Amey tew he Megbevayà.

1 Timoteo 2:8

Ne tenged kayi, is menge maama ziyà te langun he menge inged he meheg̵et is ked-engkezi zan te mezaat he ulaula, egkesuatan ku he med-ampù dan diyà te Megbevayà. Kinahanglan he wazà pauk dan te menge zuma zan wey wazè dan keduwazuwa.

1 Pedro 1:17

Ne g̵eina te mibpetavang ki te Amey ta he Megbevayà kinahanglan he utew meheg̵et is kedtehuza ta kandin te zini ki pa ed-ubpà te kelibutan. Iyan sikandin edsusi te menge ulaula te menusiyà sumalà is mid-ulaula te kada sevaha ne wazè din ibpelavi he minsan hentei.

Impezayag 21:22

Ne wazè ku naahà he valey he simbahan dutun te inged. Wazà kinahanglan is baley he simbahan dutun su is Megbevayà he mekeg̵eg̵ehem he Nengazan te langun wey is nati he kerehidu, dutun en te kandan edsimba is langun.