Juan 4:19 - Manobo Western Bukidnon

¹⁹ Ne mid-uman megkag̵i haazà is bahi te, “Ebpeneuven ke ves te Megbevayà?

Juan 4:19 Cross References

Mateo 21:11

Ne midtavak is mezakel he menge etew he nemenduma ki Jesus te, “Iyan sikandin sikan is ebpeneuven te Megbevayà he si Jesus he tigNeserit diyà te Geliliya.”

Lucas 24:19

Ne mid-uman med-insà si Jesus kandan te, “Maan? Hengkey is nehitavù?” Ne midtavak dan te, “Iyan is nehitavù ki Jesus he tigNeserit. Ebpeneuven sikandin te Megbevayà ne midtuuwan sikandin te langun he menge etew. Dekelà is gehem din te ebpenurù ne mekeg̵eg̵ehem daan sikandin he ebaal te menge egkengein-inuwan.

Lucas 7:16

Ne is langun he nemekeahà dutun, ne utew zan nengehandek ne nezalig dan is Megbevayà, ke sikandan te, “Heini en te kenitew is utew lavew he ebpeneuven te Megbevayà!” Ne ke sikandan daan te, “Mibulus en is Megbevayà su wey kiw melibri is menge nengepilì din he etew!”

Lucas 7:39

Ne naahà heini zutun te Perisiyu he mid-umbita ki Jesus, ne neisip din is, “Angin ke tutuu he ebpeneuven heini te Megbevayà ne kenà ebpekeeles kandin is meremerik he ulaula kayi te vahi ne wazè din pezem itug̵ut he meg̵ewezi is lawa zin kayi te vahi.”

Juan 4:18

su lelima en is nekeesawa kenikew, ne is maama he ziyà te kenikew g̵untaan, benar iyan he kenè nu esawa.”

Juan 4:29

“Hendiyè kiw en wey niw maahà is etew he neketagnà te langun he nengeveelan ku. Kela ke iyan sikandin sikan is mibpilì te Megbevayà he ibpahadì.”

Juan 6:14

Ne hein naahà te menge etew is egkein-inuwan he nehimu ni Jesus migkag̵i zan te, “Tutuu ves iyan he iyan en heini sikan is netagnà he ebpeneuven te Megbevayà he ibpehendini zin te kelibutan!”

Juan 7:40

Nezineg haazà is menge lalag ni Jesus te utew mezakel he menge etew zutun, ne migkag̵i is duma te, “Tutuu iyan he iyan heini he etew sikan is ebpeebuten tew he netagnà he ebpeneuven te Megbevayà!”

Juan 9:17

Ne tenged dutun mid-insaan dan en maan haazà is neulian he lakap, ke sikandan te, “Sikew, hengkey is kenikew he isip mehitenged kandin su kenikew he menge mata is mibewian din?” Ne midtavak haazà is etew te, “Ebpeneuven sikandin te Megbevayà.”