Juan 3:31 - Manobo Western Bukidnon

³¹ Is ebpuun diyà te langit ne lavew sikandin te minsan hentei. Is menusiyà, ne zini zà ebpuun te kelibutan ne kelibutanen dà is egkeg̵iyen din. Iyan, sikan is ebpuun te langit, lavew sikandin te langun.

Juan 3:31 Cross References

Mateo 28:18

Ne mid-uvayan sikandan ni Jesus, ne ke sikandin te, “Imbeg̵ey kedì is ke g̵ehem te kebayàbayà diyà te langit wey zini te tanà.

Juan 1:15

Ne heini si Juan, impesavut din ke hentei sikandin. Midhabet si Juan megkag̵i te, “Iyan heini sikan is etew he migkag̵i ku he ke siak te, ‘Duen etew he egkehuziyan kedìey he lavew pa kenà siak, su zengan te wazè e pa ianak, daan en sikandin,’ ” ke si Juan.

Juan 1:27

he ebpekeuma he huziyan kediey he utew lavew kenà siak. Siak, minsan is kebpul-ut dà te sepatus din, kenè e pa zait he sulug̵uen din,” ke si Juan.

Juan 1:30

Iyan heini kes migkag̵i ku he ke siak te, ‘Duen etew he egkehuziyan kediey, iyan, lavew sikandin kediey su zaan en sikandin te wazè e pa ianak.’

Juan 6:33

Sikan is egkeenen he ibeg̵ey te Megbevayà, ebpenaug he ebpuun te langit ne iyan ebpekeveg̵ey te untung diyà te tivuuk he menusiyà.”

Juan 6:51

Iyan a egkeenen he ebpuun te langit wey ebpekeveg̵ey te untung; ne ke zuen egkaan kediey kenè en ebpatey is gimukud din. Is egkeenen he ibeg̵ey ku, iyan is lawa ku. Ibeg̵ey ku heini su wey maangken te tivuk he menusiyà is untung he wazà pidtemanan,” ke si Jesus.

Juan 8:23

Ne migkag̵i en maan si Jesus te, “Meg̵inged kew zini te kelibutan; siak, meg̵inged a ziyà te langit. Dini kew ebpuun te tanà, iyan, siak, diyà a ebpuun te zivavew.

Nengeulaula 10:36

Netuenan niw en is Meupiya he Tudtulanen he impesavut te Megbevayà kenami te menge kevuwazan ni Israyil su pinaag̵i ki Jesu Kristu he iyan Nengazen te langun he menge etew, impesavut din he egkeawà is pauk te Megbevayà kenitew.

Ruma 9:5

Mibpilì din dengan is menge kepuun dan. Ne hein mibpeetew si Kristu he iyan Megbevayà he ebayàbayà te langun, in-anak sikandin he zuma zan he Hudiyu. Berakat he zelig̵a sikandin te wazè din pidtemanan.

Hibriyuhanen 9:1

Ne zutun te nehuna he paag̵i te kebpekidsevaha te Megbevayà te menusiyà, impenurù te Megbevayà is paag̵i te ked-ezapa zan kandin wey ke ebmenmenuwen is kebeeli te simbahan dini te kelibutan.

1 Pedro 3:22

Diyà si Jesus med-ulì te langit ne g̵untaan diyà sikandin ebpimpinuu te zapit te egkekewanan te Megbevayà tuus te utew lavew sikandin. Iyan sikandin ebayàbayà te langun he menge velinsug̵uen te Megbevayà wey te menge kedesenan wey te minsan hentei ziyà te langit he zuen din gehem.

1 Juan 4:5

Haazà is menge etew he mid-ulinan te teruen he menge mulin-ulin, kuntada man sikandan te Megbevayà wey supak te Megbevayà is ibpenurù dan. Ne tenged dutun ebpemineg̵en sikandan te menge etew zini te kelibutan he kuntada zaan te Megbevayà.

Impezayag 19:16

Diyà te kumbalè din wey ziyà te vuvun din ne zuen insurat he g̵erar he iyan is: “Hadì te langun he menge hadì wey Egalen te langun he menge egalen.”