Juan 3:29 - Manobo Western Bukidnon

^29-30 Penenglitan ke zuen mibpengesawa, ne naangken din en haazà is mid-esawa zin. Sikan is kumekag̵un dutun, utew meupiya is gehinawa zin emun egkezineg din haazà is mibpengesawa he ebpekidlalag en dutun te mid-esawa zin. Ne iring din ded daan su utew ibmeupiya te g̵ehinawa ku zaan ke mezakel is edsundan ki Jesus. Kinahanglan he ed-iseg is bentug̵an ni Jesus, iyan, is kedì, kinahanglan he egkeawà,” ke si Juan.

Juan 3:29 Cross References

Mateo 22:2

Ke sikandin te, “Is kedhadì te Megbevayà he ziyà te langit, ne iring te hadì he midtukud te zekelà he keemuran su ebpengesawa is anak din.

Mateo 25:1

“Dutun te kedlikù ku, is kedhadì te Megbevayà, ne iring te sempità he sepulù he rag̵a he netukid te sulù su edsinug̵ungen dan is ebpengesawa.

Mateo 9:15

Ne migkag̵i si Jesus diyà te kandan te, “Penenglitan, ke zuen eseweey kenà egkehimu he kenà edlipey is menge zuma te ebpengesawa ke kemulu zan pa zuma haazà is ebpengesawa. Ne zutun te timpu he ibpaawè en diyà te kandan sikan is ebpengesawa, human sikandan edsalang egkaan. Iring din ded daan is menge sumusundan ku su te kemulu e pa zini te kandan, kenè dan edsalang egkaan.”

Lucas 15:6

Ne ke ebpekeuma sikandin diyà te valey zin ne ebpenewag̵en din is menge zuma zin wey menge siringan din ne ke sikandin te, ‘Edlipey kiw en su neehè ku zed heini is netazin he kerehidu ku.’ ”

Juan 15:11

Umba migkag̵i ku keniyu heini is langun su wey niw ikelipey is kediey he kelipey ne wey kew utew melipey.

Juan 16:24

Wazè niw pa mibuyù diyà te kandin ebpuun te kedtuuwi niw kediey. Buyù kew wey kew mekezawat su wey kew utew melipey.

Juan 17:13

Ne g̵untaan ed-ulì ad diyan te kenikew ne edhengyuen ku kenikew heini te kemulu e pa zini te kelibutan su wey mepurung sikandan mengelipey te kediey he kelipey.

2 Kurintu 11:2

Su insavuk te Megbevayà kayi te kediey is dekelà he suat he kenè kew medsuwey te Nengazen. Iring kew te rag̵a he nekeg̵unan, iyan, iyan si Kristu ingkag̵un ku keniyu. Ne egkesuatan ku he wazà duma he ebpekeesawa keniyu.

Pilipus 2:2

Ne tenged kayi te langun edhengyuan ku sikiyu he tug̵uti niw he mepurung mesevaha is isip niw wey g̵ehinawa niw, ne heg̵eta niw is kebmahala niw ziyà te g̵ehinawa niw te menge zuma niw. Ne emun ed-ul-ulahan niw heini human egkeheg̵et is kelipey ku tenged keniyu.

1 Juan 1:4

Ne tenged dutun ebpesuratan ku sikiyu te iring kayi su wey meheg̵et is kelipey tew.

2 Juan 1:12

Mezakel pezem is egkeg̵iyen ku keniyu, iyan, kenè ku egkesuatan te edsurat. Egkesuatan ku he ebpenumbaley a ziyan wey kiw mekedlelalag ne wey meheg̵et is kelipey tew.

Impezayag 21:9

Ne zutun mid-uvayan a te sevaha zutun te pitu he velinsug̵uen he sikan is nen-ulà te pitu he lediyà he nepenù te pitu he huziyan en he idrasey te menusiyà, ne ke sikandin te, “Duma ka kedì su ibpeehè ku kenikew is ed-esawaan te nati he kerehidu.”