Juan 3:25 - Manobo Western Bukidnon

²⁵ Ne zutun duen menge sumusundan ni Juan he ebpekidlewanà te sevaha he etew he Hudiyu. Iyan edlewenaan dan is tuluuwen dan te menge Hudiyu te kebpemewtismu.

Juan 3:25 Cross References

Mateo 3:11

Wahig is ibewtismu ku keniyu,” ke si Juan, “he tuus te mid-iniyug̵an niw is mezaat he ulaula, iyan, duen etew he ed-ilis kediey ne iyan ibewtismu zin keniyu is Wag̵as he Mulin-ulin, ne emun kenà, ne hapuy. Lavew sikandin kedì, ne minsan is ked-uwit dà te sepatus din, kenè e pa zait he sulug̵uen din.

Marcos 7:8

Is kesug̵uan te Megbevayà,” ke si Jesus, “midlipatan niw en, ne iyan niw edtumanen is imbilinbilin he vetasan he midhimuhimu zà te menge etew.”

Juan 2:6

Sumalà te tuluuwen te menge Hudiyu, kinahanglan he zuen wahig he ibpenlùlù te kenè dan pa egkaan. Ne tenged kayi zuen neteg̵ana zutun he heenem he umuy he vatu. Egketeg̵uan is kada sevaha zutun te menge nenggatus he litru he wahig.

Hibriyuhanen 6:2

Kenè tew ed-ul-ulitan is ked-istudyu te kebpemewtismu, wey is kedewata te Wag̵as he Mulin-ulin, is kegkevenhawa kenita keuzemà, wey is kedsusiya te Megbevayà keuzemà te tivuuk he menusiyà,

Hibriyuhanen 9:10

Su heini he paag̵i te ked-ezapa te Megbevayà, ne pinaag̵i zà te menge sug̵ù mehitenged te vetasan te kegkaan, ked-inum, kebpenlùlù, wey kedhemesa te lawa he paag̵i he insug̵ù te Megbevayà. Menge sug̵ù heini he edtumanen te menge etew pinaag̵i zà te lawa wey tenged dà te insug̵ù ne kenà tenged te iyan diyà te g̵ehinawa zan. Ne is pulus kayi te paag̵i, ne taman dà heini kayi te timpu g̵untaan te ked-ilisi te Megbevayà kayi te veg̵u he paag̵i.

Hibriyuhanen 9:23

Ne haazà is simbahan te menge Hudiyu zini te kelibutan wey is menge g̵elemiten dan te ked-azap, ne menge alung dà te tutuu he simbahan diyà te langit. Ne egkepelengesahan is kelibutanen he simbahan pinaag̵i te kelibutanen he pemuhat, iyan, haazà is diyà te langit, ne kinahanglan he lavew pa he meupiya is ibpemuhat dutun.

1 Pedro 3:21

Ne iyan teg̵ialung kayi te wahig is kebewtismu he ebpekelibri kenitew te silut. Ne haazà is kebewtismu, ne kenà iyan is kedlumpiyuwi te lawa tew ziyà te wahig, kekenà, iyan is kedhengyui tew te Megbevayà he maawè din is menge salè tew. Egkehimu heini tenged te mibanhew zin si Jesu Kristu.