Juan 3:1 - Manobo Western Bukidnon

¹ Duen etew he egngezanan ki Nikudimu. Sevaha sikandin he sakup te upakat he egngezanan te Peresiyu. Heini si Nikudimu, ne sevaha he punuan te menge Hudiyu.

Juan 3:1 Cross References

Lucas 23:13

Ne hein diyè en maan si Jesus te ki Pilatu ne midtig̵um ni Pilatu is menge punuan he memumuhat wey is menge ebmeg̵urangen te menge Hudiyu wey is menge mezakel he etew.

Juan 19:39

Ne si Nikudimu, sikan is nenumbaley ziyà te ki Jesus te sevaha he mezukilem, miduma zaan dutun. Duen mid-uwit din he kelimahan he kilu he pehemut he alus he midsehug̵an te pehemut he mira.

Juan 3:10

Ne ke si Jesus te, “Punuan ka he menunudlù kayi te menge zuma tew he menge kevuwazan ni Israyil, ne kenè nu ves egkesavut heini is egkeg̵iyen ku?

Juan 7:26

Ahaa niw man! Ebpenurù ded sikandin te mezakel he menge etew! Kela ke tutuu iyan he netuenan te menge punuan tew he iyan sikandin sikan is netagnà he mibpilì te Megbevayà he ibpahadì su maan is kenè dan edewayen sikandin!