Juan 21:7 - Manobo Western Bukidnon

⁷ Ne sikan is sumusundan he mahal ziyà te g̵ehinawa ni Jesus, migkag̵i sikandin diyà te ki Pedro te, “Iyan heeyan sikan is Nengazen tew.” Ne hein netuenan ni Pedro he iyan si Jesus haazà, insun-ud din is kumbalè din he midluwas din, ne mid-umpak diyà te wahig, ne midhendiyà te veyvey.

Juan 21:7 Cross References

Marcos 11:3

Ne ke zuen ed-insà keniyu ke maan is egkuwaan niw haazà is asnu, keg̵iyi niw te, ‘Egkinehenglanen heini te egalen tew he si Jesus ne id-ulì dà kan.’ ”

Lucas 12:35

Ne impezineg en maan ni Jesus is sempità, ke sikandin te, “Andam kew he zaan su wey kenè kew metingkemed te minsan hengkey. Iringi niw is sulug̵uen he edtag̵ad te egalen dan he ebpuun te eseweey he midtelavuk din.

Lucas 2:11

Su kayi te kezukileman in-anak diyà te Bitlihim he iyan inged ni Hadì David dengan, is Nengazen he iyan kes mibpilì te Megbevayà he ibpahadì. Iyan sikandin edlibri keniyu te silut te Megbevayà.

Lucas 7:47

Umba migkag̵i ku heini kenikew su egketuusan ta kayi te vahi he mezakel is menge ulaula zin he mezaat he nengepesaylu en te Megbevayà su utew a mahal ziyà te g̵ehinawa zin. Ne ke zuen etew he zeisek dà is menge ulaula zin he mezaat he nepesaylu te Megbevayà, wazè din utew g̵ehinawa te Megbevayà.”

Juan 13:23

Ne zutun te zurug ni Jesus kes sumusundan din he pinedtayè din utew.

Juan 19:26

Ne hein naahà ni Jesus is iney zin wey sikan is sumusundan he mahal ziyà te g̵ehinawa ni Jesus, migkeg̵iyan din is iney zin te, “Inà, iyan en heeyan anak nu.”

Juan 20:2

Ne tenged dutun, mibpelelag̵uy ne midhendiyà te ki Simon Pedro wey zuen te sevaha he sumusundan, sikan is mahal ziyà te g̵ehinawa ni Jesus. Ne migkeg̵iyan sikandan ni Maria te, “Is Nengazen tew he si Jesus, in-awè dan duen te midlevengan kandin ne wazè dey metueni ke hendei zan uwita.”

Juan 20:20

Ne zutun impeehè din kandan is menge palì diyà te menge velad din wey ziyà te tengkilizan din. Ne utew nengelipey is menge sumusundan te kebpaahà kandan te Nengazen.

Juan 20:28

Ne zutun midtavak si Tomas te, “Iyan ka Nengazen ku, iyan ka Megbevayè ku!”

Juan 21:20

Ne zutun midlilingey si Pedro ne neehè din he edtinundug kandan sikan is sumusundan he pinedtayà ni Jesus. Iyan sikandin sikan is dutun te kedlavung dan te wazè pa mebpatey si Jesus, diyà sikandin te zurug ni Jesus. Iyan daan kes mid-insà ki Jesus te, “Hentei kenami is ed-akal kenikew?”

Juan 21:24

Iyan a haazà is sumusundan he egkeg̵iyen din; iyan a ebpenistig̵us he tutuu heini is langun; iyan a midsurat kayi te langun ne netuenan dey he tutuu heini is insurat ku.

Juan 21:8

Ne haazà is menge zuma zin he sumusundan, midtelukun dan he ed-untud dutun te avang. Eguyuzen dan haazà is laya he nepenù te pait. Uvey zan dà te veyvey, menge kesiyawan dà he mitrus.

Nengeulaula 10:36

Netuenan niw en is Meupiya he Tudtulanen he impesavut te Megbevayà kenami te menge kevuwazan ni Israyil su pinaag̵i ki Jesu Kristu he iyan Nengazen te langun he menge etew, impesavut din he egkeawà is pauk te Megbevayà kenitew.

Nengeulaula 2:36

Na,” ke si Pedro, “kinahanglan he edsevuten tew te langun he menge kevuwazan ni Israyil he si Jesus, sikan is inransang niw te krus, midhimu en te Megbevayà he Nengazen wey hadì tew te langun.”

1 Kurintu 15:47

Ne haazà is nehuna he etew he si Adan, linimbag sikandin ne is limbag̵an din ne iyan is tanà, iyan, haazà is etew he ed-ilis kandin he iyan si Kristu, ne ebpuun sikandin mulà diyà te langit.

2 Kurintu 5:14

Ne umba edhag̵ù key su netuenan dey he mahal key ziyà te g̵ehinawa ni Kristu. Netuenan dey he midhimetayan sikandin is sebsevaha he elili te tivuuk he menusiyà ne tenged kayi henduen be te pudu en nekeag̵i te kemetayen is tivuuk he menusiyà.

Santiago 2:1

Menge suled, geina te menge tumutuu ki ki Jesu Kristu, is mekeg̵eg̵ehem he Nengazen, kinahanglan he pedrerepenga ta is kedtehuza ta te langun he menge etew.