Juan 21:24 - Manobo Western Bukidnon

²⁴ Iyan a haazà is sumusundan he egkeg̵iyen din; iyan a ebpenistig̵us he tutuu heini is langun; iyan a midsurat kayi te langun ne netuenan dey he tutuu heini is insurat ku.

Juan 21:24 Cross References

Juan 15:27

Ne ebpekepesavut kew zaan kayi su puun pa te aney ku en kebpenurù, duma ku en sikiyu.”

Juan 19:35

Siak is midsurat kayi, edtistig̵usan ku he tutuu heini su neehè ku en. Netuenan ku he tutuu heini is insurat ku. Umba insurat ku su wey kew zaan meketuu.

1 Juan 5:6

Iyan si Jesu Kristu sikan is midsug̵ù te Amey zin dini te kelibutan. Egketuusan heini pinaag̵i te wahig wey lengesa. Kenà heini egketuusan pinaag̵i zà te wahig he iyan is kebewtismuwi kandin, kekenà, pinaag̵i zaan te lengesa he iyan is kedtig̵is te lengesa zin dutun te kedrensanga kandin te krus. Iyan ebpenistig̵us kayi zini te kenitew is Wag̵as he Mulin-ulin, su tutuu layun is egkeg̵iyen din.

3 Juan 1:12

Nezelig̵an si Dimitriyu te langun he menge etew. Egkeehè dan pinaag̵i te menge ulaula zin he edtumanen din is tutuu he tuluuwen. Edelig̵en dey zaan sikandin ne netuenan nu he tutuu is egkeg̵iyen dey.