Juan 21:19 - Manobo Western Bukidnon

¹⁹ (Umba migkag̵i ni Jesus heini su idtazem din is paag̵i te kebpatey ni Pedro he egkevantug din is Megbevayà.) Ne te nekag̵i ni Jesus heini, mid-uman megkag̵i te, “Sunud ka kediey.”

Juan 21:19 Cross References

Mateo 10:38

Minsan hentei he kenà edsundan kedì ne kenè din edtiangen is krus din, he ke và dà egkeg̵iya, kenè din edtumanen is menge sug̵ù ku su kela ke iyan ibpatey zin, kenà dait sikandin he egngezanan he sumusundan ku.

Mateo 19:28

Ne midtavak dutun si Jesus te, “Benar heini is egkeg̵iyen ku, siak is Kakey te Menusiyà, mekeg̵eg̵ehem a keuzemà te kedhadì ku emun egkeveg̵u en is langun; ne sikiyu is menge sumusundan ku, egkehedian niw zaan is menge kevuwazan te sepulù wey zezuwa he anak ni Israyil.

Mateo 8:22

Ne midtavak dutun si Jesus te, “Kenà, su iyan edleveng te menge minatey sikan is wazà mekezawat te untung he wazè din pidtemanan. Iyan, sikew mula, duma ka kediey.”

Juan 12:26

Ke zuen etew he egkesuat he mehimu he sulug̵uen ku, kinahanglan he edsunuzen e zin, su ke hendei a ne zutun daan is sulug̵uen ku. Ne ke zuen edtuman te menge sug̵ù ku, edelig̵en sikandin te Amey ku he Megbevayà.

Juan 12:33

Iyan ingkekeg̵iya ni Jesus dutun su ibpesavut din is paag̵i te kedhimetayi kandin.

Juan 18:32

(Umba neulaula heini su egketuman is midtagnà ni Jesus he edhimetayan sikandin pinaag̵i te kedrensanga te krus.)

Juan 21:18

Utew venar is egkeg̵iyen ku kenikew he zengan hein menguhed ke pa iyan ka mibakes te lawa nu ne sumalà ke hendei is egkesuatan nu ne zutun ka ebpevayà. Iyan, ke meg̵urang ke en ebpekererepa ka ne selakew he etew is ebagkes te lawa nu ne ed-uwiten ka zutun te kenè nu egkesuatan.”

Juan 21:22

Ne midtavak si Jesus te, “Emun iyan ku egkesuatan he kemulu pa sikandin uuyag keuzemà dutun te kedlikù ku zini te kelibutan, wazè nu kelavet. Sunud ke zà kediey.”

Pilipus 1:20

Ne utew ku egkesuati, wey idsarig ku ziyà te Megbevayà he layun ku metuman is ebpeveelan din kedì su wey a kenà meeled te minsan keenu he timpu lavew en guntaan. Egkesuatan ku he mezalig si Kristu tenged kedì pinaag̵i te kebpaawaa kedì kayi te pirisuwan ne emun kenà, ne mezalig si Kristu pinaag̵i te kebpatey ku.

2 Pedro 1:14

Netuenan ku he meg̵aan e en egkeumuri sumalà is impesavut kedì te Nengazen tew he si Jesu Kristu.