Juan 21:18 - Manobo Western Bukidnon

¹⁸ Utew venar is egkeg̵iyen ku kenikew he zengan hein menguhed ke pa iyan ka mibakes te lawa nu ne sumalà ke hendei is egkesuatan nu ne zutun ka ebpevayà. Iyan, ke meg̵urang ke en ebpekererepa ka ne selakew he etew is ebagkes te lawa nu ne ed-uwiten ka zutun te kenè nu egkesuatan.”

Juan 21:18 Cross References

Lucas 12:37

Utew meupiya is kegeg̵ehinawa zutun te menge sulug̵uen emun ebpekeuma haazà is egalen dan ne zaan dan neendami haazà is kebpekeuma zin. Benar is egkeg̵iyen ku he haazà is egalen dan, ibpepinuu zin sikandan diyà te lemisahan ne iyan sikandin ebpekaan kandan.

Juan 13:36

Ne zutun migkag̵i ki Jesus si Simon, kes migeraran ki Pedro, ke sikandin te, “Ebpehendei ka?” Ne midtavak si Jesus te, “Ke hendei a ebpevayà kenè kew pa ebpekezuma; iyan, keuzemà ebpeketelukun kew g̵ihapun.”

Juan 21:17

Ne mid-uman megkag̵i si Jesus te iketelu te, “Simon, anak ni Juan, mahal e ve utew ziyan te g̵ehinawa nu?” Ne mibmesakit is gehinawa ni Pedro zutun te iketelu he ked-ul-uliti ni Jesus te, “Mahal e ve utew ziyan te g̵ehinawa nu?” Ne midtavak si Pedro te, “Netuenan nu is langun; netuenan nu he mahal ka zini te g̵ehinawa ku.” Ne migkeg̵iyan sikandin ni Jesus te, “Semaki nu is menge kerehidu ku.

Juan 21:19

(Umba migkag̵i ni Jesus heini su idtazem din is paag̵i te kebpatey ni Pedro he egkevantug din is Megbevayà.) Ne te nekag̵i ni Jesus heini, mid-uman megkag̵i te, “Sunud ka kediey.”

Nengeulaula 21:11

Mid-uvey ziyà te kenami ne migkuwa zin is bakes ni Pablo ne imbakus din te kandin he menge paa wey menge velad din ne ke sikandin te, “Ibpesavut kenitew te Wag̵as he Mulin-ulin he is teg̵ig̵aked kayi te vakes, iring kayi is kebekusa kandin te menge Hudiyu ziyà te Hiruselim ne ibpalad dan sikandin diyà te kenà menge Hudiyu.”

2 Kurintu 5:4

Su sikita is tumutuu he uuyag pa zini te kelibutan, edlised ki su neveg̵atan ki kayi te menge kemereg̵enan he egkeantus kayi te kelibutanen he lawa ta, asal kenè ta iyan egkesuatan he meewai ta heini is lawa ta, kekenà, iyan egkesuatan ta is wey meveg̵ayi ki en pezem guntaan dutun te veg̵u he lawa he ebpuun diyà te langit, ne zutun egkeilisan is lawa he zuen din kemetayen te lawa he zuen din untung he wazà pidtemanan.