Juan 21:17 - Manobo Western Bukidnon

¹⁷ Ne mid-uman megkag̵i si Jesus te iketelu te, “Simon, anak ni Juan, mahal e ve utew ziyan te g̵ehinawa nu?” Ne mibmesakit is gehinawa ni Pedro zutun te iketelu he ked-ul-uliti ni Jesus te, “Mahal e ve utew ziyan te g̵ehinawa nu?” Ne midtavak si Pedro te, “Netuenan nu is langun; netuenan nu he mahal ka zini te g̵ehinawa ku.” Ne migkeg̵iyan sikandin ni Jesus te, “Semaki nu is menge kerehidu ku.

Juan 21:17 Cross References

Mateo 25:40

Ne zutun, siak is hadì, edtavak a te, ‘Egkeg̵iyen ku keniyu he ke mid-ulaula niw heini ziyà te minsan sevaha kayi te menge suled ku, he ke và dà egkeg̵iya, menge tumutuu kedì, minsan ke utew minus is pid-etawen din, neulaula niw en heini ziyà te kedì.’

Marcos 14:72

Ne zutundutun mid-ukarà is manuk te ikezuwa ne human metenuzi ni Pedro sikan is migkag̵i kandin ni Jesus he ke sikandin te, “Te kenè pe kan ed-ukarà is manuk te kezezuwa, ne ketetelu ke en ebpekekag̵i he kenà a kenikew egkekilala.” Ne zutun nekelelendag si Pedro su utew mibmesakit is gehinawa zin.

Juan 12:8

Is menge egkengeayuayu, layun niw egketevangi sikandan, iyan, siak, kenà a egkeug̵et dini te keniyu,” ke sikandin.

Juan 13:38

Ne midtavak si Jesus te, “Ebpehimatey ke ve tenged kediey? Benar iyan is egkeg̵iyen ku kenikew he te kenè pe kan ebpengukarà is manuk ne ketetelu ke en ebpekekag̵i he kenà a kenikew egkekilala.”

Juan 14:15

Emun mahal a ziyà te g̵ehinawa niw, edtumanen niw is menge sug̵ù ku keniyu,

Juan 15:10

Emun edtumanen niw is menge sug̵ù ku keniyu, ne kenè kew egkeawà te kebmahala ku keniyu zini te g̵ehinawa ku iring te midtuman ku is menge sug̵ù kediey te Amey ku he Megbevayà ne kenà ad daan egkeawà te kebmahala zin kedì diyà te g̵ehinawa zin.

Juan 16:30

Nesavut dey en he netuenan nu is langun su minsan is id-insà kenikew, kenè en kinahanglan he egkeg̵iyen pa su netuenan nu en he zaan, umba edtuuwan dey en he sikew, diyà ka ebpuun te Megbevayà.”

Juan 18:27

Ne mibarew en maan si Pedro ne segugunà mid-ukarà is manuk.

Juan 18:4

Ne zutun, si Jesus, geina te wazà mekeeles diyà te kandin is langun he egkehitavù kandin, midsinug̵ung din sikandan ne mid-insà te, “Hentei is ebpen-ahaan niw?”

Juan 21:18

Utew venar is egkeg̵iyen ku kenikew he zengan hein menguhed ke pa iyan ka mibakes te lawa nu ne sumalà ke hendei is egkesuatan nu ne zutun ka ebpevayà. Iyan, ke meg̵urang ke en ebpekererepa ka ne selakew he etew is ebagkes te lawa nu ne ed-uwiten ka zutun te kenè nu egkesuatan.”

Juan 4:16

Ne ke si Jesus te, “Umawa nu is esawa nu ne likù ka zini.”

Nengeulaula 1:24

Ne zutun in-ampù sikandan eni Pedro ke sikandan te, “Nengazen, iyan ka nesayud ke hengkey is diyà te g̵ehinawa te minsan hentei. Ne g̵untaan ipeehè nu kenami ke hendei zapit kayi te zezuwa is nepilì nu

Nengeulaula 11:10

Ne hein ketetelu en mesublì haazà is langun he menge lalag, in-ulì diyà te langit haazà is midteyuntun.

Nengeulaula 15:8

Ne is Megbevayà, impeehè din kenitew is kedewata zin te kenà menge Hudiyu su imbeg̵ey zin kandan is Wag̵as he Mulin-ulin iring te kebeg̵aya zin dini te kenitew. Nesayud sikandin te minsan gehinawa tew te menusiyà.

2 Kurintu 1:12

Duen, menge suled, idantal zey ne netuenan dey he tutuu heini, ne iyan is: layun meupiya is ulaula zey ziyà te minsan hentei he etew, lavew en diyan te keniyu. Su layun key edtuman te egkesuatan te Megbevayà ne utew hustu is tuyù dey. Wazè dey g̵emita is ketau zey te etew zà duen, kekenà, iyan igkehimuwa zey te langun is mekeg̵eg̵ehem he tavang te Megbevayà.

Ipisu 4:30

Ne kenè niw ul-ulaha is minsan hengkey he kenà egkesuatan te Wag̵as he Mulin-ulin su iyan sikandin tuus diyan te keniyu he g̵aked kew te Megbevayà, wey tuus daan he keuzemà egkeuma is andew he zutun edhimesaza te Megbevayà is langun he nepuunan din en he vaal te kedlibriya zin keniyu te kebpekesalà.

1 Pedro 1:6

Ne tenged dutun ebpekelipey kew en minsan pa te egkeseeng kew zè pa g̵untaan tenged te mezakel he menge kemeresayan he egkeantus niw.

2 Pedro 3:1

Minahal he menge suled ku, ikezuwa en heini te kebpesurati ku keniyu. Iyan tuyù ku kayi te kezezuwa ku kebpesurati keniyu is: wey kew mekeisip te hustu pinaag̵i kayi te menge sambag ku keniyu.

Impezayag 2:23

Ne is menge sumusundan din, edhimetayan ku. Is menge tumutuu ziyan te langun he menge inged, egketuenan dan he iyan a nesayud ke hengkey is diyà te isip wey g̵ehinawa te etew. Ibeg̵ey ku ziyà te kada sevaha is engayan he igkeveg̵ey kandin sumalà te menge ulaula zin.

Impezayag 3:19

Is langun he menge etew he mahal zini te g̵ehinawa ku, edsewayan ku wey edsilutan ku su wey mepenurù sikandan. Ne tenged dutun purungi niw is ulaula niw wey iniyug̵i niw is ulaula niw he mezaat.