Juan 20:8 - Manobo Western Bukidnon

^8-9 Ne zutun midseled daan sikan is sumusundan he nehuna he nekeuma. Neehè din daan haazà is langun, ne minsan pa te wazè dan pa metueni is menge insurat he tagnà he kinahanglan he ebenhawen si Jesus, midtuu sikandin dutun he nevanhew en si Jesus.

Juan 20:8 Cross References

Lucas 16:31

Ne migkag̵i zutun si Abraham te, ‘Emun kenè dan ebpemineg̵en is menge surat ni Moises wey te ebpemeneuven te Megbevayà dengan, kenè dan daan ebpemineg minsan ke zuen egkevanhew he minatey he edhendiyà te kandan.’ ”

Juan 1:50

Ne migkag̵i si Jesus te, “Ebpeketuu ke ve tenged dà te migkag̵i ku kenikew he neehè ku sikew ziyà te sihung te kayu he igira? Duen pa egkeehè nu keuzemà he lavew pa he egkein-inuwan.”

Juan 20:25

Ne tenged dutun midtudtulan sikandin te menge zuma zin he sumusundan, ke sikandan te, “Mibpaahà kenami is Nengazen tew.” Iyan, migkag̵i si Tomas te, “Kenà a ebpeketuu he nevanhew sikandin emun kenè ku egkeahà is menge velad din he nepelian te ransang. Ne emun kenè ku egketiyukan te tezù ku is palì diyà te velad din wey ziyà te kilid din, kenà a ebpeketuu.”

Juan 20:29

Ne migkag̵i kandin si Jesus te, “Midtuu ke ve tenged dà te naahà a kenikew? Utew zeyzey sikandan is minsan wazà kedì mekeahà, iyan, edtuuwan e zan.”

Juan 20:4

Ne mibpelelag̵uy zan is dezuwa, iyan, nehunaan si Pedro zuen te zuma zin he sumusundan, ne nehuna he nekeuma zutun te surung he penlevengà.