Juan 20:27 - Manobo Western Bukidnon

²⁷ Ne zutun migkeg̵iyan din si Tomas te, “Itiyuk nu kayi is tezù nu; is belad nu zaan, itiyuk nu kayi te kilid ku; ahaa nu is menge velad ku ne kenà ke en maan meduwazuwa, kekenà, tuu ka.”

Juan 20:27 Cross References

Mateo 17:17

Ne zutun migkag̵i si Jesus te, “Sikiyu is menge etew g̵untaan, utew zekelà is menge sayep niw! Wazè niw iyan kedtuu! Utew ves egkeug̵et is kebpekiduma ku keniyu! Utew ves egkeug̵et is kebpekeantus ku keniyu ne human kew edtuu! Ihengkayi niw heeyan is batà.”

Marcos 9:19

Ne zutun migkag̵i si Jesus te, “Sikiyu is menge etew g̵untaan, wazè niw iyan kedtuu te Megbevayà. Utew ves egkeug̵et is kebpekiduma ku keniyu. Utew ves egkeug̵et is kebpekeantus ku keniyu ne human kew edtuu. Ihengkayi niw heeyan is batà.”

Lucas 24:39

Ahaa niw man heini is palad ku wey paa ku su iyan e zed! Semsama a keniyu ne egketuenan niw! Su is gimukud, ne wazè din lawa, iyan, siak, ahaa niw man, duen lawa ku,” ke sikandin.

Lucas 24:40

Ne impeehè din kandan is menge imbayà te ransang diyà te menge palad din wey paa zin.

Lucas 9:41

Ne zutun migkag̵i si Jesus te, “Sikiyu is menge etew g̵untaan, utew zekelà is menge sayep niw; wazè niw iyan kedtuu te Megbevayà. Utew ves egkeug̵et is kebpekiduma ku keniyu! Utew ves egkeug̵et is kebpekeantus ku keniyu ne human kew edtuu. Ihengkayi nu heeyan is anak nu.”

Juan 20:20

Ne zutun impeehè din kandan is menge palì diyà te menge velad din wey ziyà te tengkilizan din. Ne utew nengelipey is menge sumusundan te kebpaahà kandan te Nengazen.

Juan 20:25

Ne tenged dutun midtudtulan sikandin te menge zuma zin he sumusundan, ke sikandan te, “Mibpaahà kenami is Nengazen tew.” Iyan, migkag̵i si Tomas te, “Kenà a ebpeketuu he nevanhew sikandin emun kenè ku egkeahà is menge velad din he nepelian te ransang. Ne emun kenè ku egketiyukan te tezù ku is palì diyà te velad din wey ziyà te kilid din, kenà a ebpeketuu.”

Juan 20:28

Ne zutun midtavak si Tomas te, “Iyan ka Nengazen ku, iyan ka Megbevayè ku!”

Ruma 5:20

Ne umba imbeg̵ey te Megbevayà is kesug̵uan su wey med-iseg is kegketueni te menge etew te kezekelà te kedsupaka zan kandin. Ne zutun te mid-iseg mebmezakel is menge kedsupak, impeiseg ipezekelà te Megbevayà is gag̵ew zin te menge etew.